உங்கள் மருமகனுக்கு சிம்ம லக்னம் துலாம் ராசி. லக்னாதிபதி பன்னிரண்டாம் வீட்டில் மறைந்து இருப்பது சிறு குறை. பூர்வபுண்ணிய ஸ்தானாதிபதியான குருபகவான் லாப ஸ்தானத்தில் அமர்ந்து பூர்வபுண்ணிய புத்திர ஸ்தானத்தையும் அங்கு அமர்ந்திருக்கும் களத்திர ஸ்தானாதிபதியையும் தைரிய ஸ்தானத்தையும் அங்கு அமர்ந்திருக்கும் சந்திரபகவானையும் களத்திர ஸ்தானத்தையும் பார்வை செய்வது சிறப்பு. தர்மகர்மாதிபதிகளும் லக்னத்தில் அமர்ந்து இருப்பது சிறப்பு. தற்சமயம் குருபகவானின் தசையில் சுக்கிரபகவானின் புக்தி நடக்கிறது. இந்த காலகட்டத்திற்குள் மழலை பாக்கியம் உண்டாகும். மேற்கூறிய காலகட்டத்திற்குப்பிறகு வளைகுடா நாடுகளுக்குச் சென்று பொருளீட்டும் யோகம் உண்டாகும். எதிர்காலம், பொருளாதாரம் சீராகவே இருக்கும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.