எனது வாழ்க்கை சற்று சிரமமாகவே உள்ளது. எப்போது நல்வாழ்க்கை அமையும்? எனது தாயாரின் உடல்நிலை எப்போது சரியாகும்? எதிர்காலம் எவ்வாறு இருக்கும்? - வாசகி, கும்பகோணம் 

உங்களுக்கு மேஷ லக்னம், கும்ப ராசி. சந்திரபகவான் பாக்கியாதிபதியான குருபகவானுடன் இணைந்திருக்கிறார். பாக்கிய ஸ்தானத்தில் புத ஆதித்ய யோகம் உண்டாகிறது. தற்சமயம் பாக்கிய ஸ்தானத்தில் அமர்ந்திருக்கும் புதபகவானின் தசை நடக்கிறது. இன்னும் இரண்டாண்டுகளுக்குள் வாழ்க்கையில் சிரமங்கள் குறைந்து மகிழ்ச்சி மேலோங்கும். இந்த ஆண்டு அக்டோபர் மாதத்திற்குள் உங்கள் தாயின் ஆரோக்கியமும் சீரடைந்துவிடும். மற்றபடி எதிர்காலம் சிறப்பாக அமையும். பிரதி வெள்ளிக்கிழமைகளில் பெருமாளையும் தாயாரையும் வழிபட்டு வரவும்.