உங்கள் மகனுக்கு கன்னி லக்னம், கும்ப ராசி. தற்சமயம் ஆறாம் வீட்டில் ஆட்சி பெற்று அமர்ந்திருக்கும் ஆறாமதிபதி மற்றும் பூர்வபுண்ணிய ஸ்தானாதிபதியான சனிபகவானின் தசையில் லக்னாதிபதியான புதபகவானின் புக்தி நடக்கிறது. இதனால் அவருக்கு உடனடியாக படிப்புக்கேற்ற வேலை கிடைத்துவிடும். தனியார் துறையில் நல்ல முன்னேற்றம் ஏற்படும். வெளிநாடு சென்று பொருளீட்டும் யோகமும் உண்டு. 2021 -ஆம் ஆண்டுக்குப்பிறகு படித்த நல்ல வேலையிலுள்ள பெண் அமைந்துதிருமணமும் கைகூடும். தீர்க்காயுள் உண்டு. சனி மஹா தசை யோக தசையாகச் செல்லும். பிரதி சனிக்கிழமைகளில் சனிபகவானை வழிபட்டு வரவும். உங்கள் மகளுக்கு விருச்சிக லக்னம், துலாம் ராசி. அவருக்கு மேலாண்மைத்துறை படிப்பு ஏற்றது. அரசுக்கிரகங்கள் வலுவாக உள்ளதால் அரசு அல்லது அரசு சார்ந்த துறைகளில் வேலை அமையும். தொடர்ந்து முழுமையான நீச்சபங்க ராஜயோகம் பெற்ற குருபகவானின் தசையாக ஆவதால் வாழ்க்கையில்அனைத்து பாக்கியங்களும் படிப்படியாக கிடைக்கும். இன்னும் இரண்டாண்டுகள் கழித்து அந்நிய உறவில் திருமணம் கைகூடும். உத்தியோகம் பார்ப்பதே சிறந்தது. எதிர்காலம் சிறப்பாக அமையும். இருவருக்கும் பரிகாரம் எதுவும் தேவையில்லை.