என் மகன் 10 ஆம் வகுப்பு படித்துள்ளார். குறைந்த சம்பளத்தில் வேலை செய்கிறார். போதிய வருவாய் இல்லாததால் திருமணம் செய்வதில் தாமதம் ஏற்படுகிறது. ஏதேனும் தோஷம் உள்ளதா? பரிகாரம் எதுவும் செய்ய வேண்டுமா? நிரந்தர வேலை எப்போது கிடைக்கும்? திருமணம் எப்போது நடைபெறும்? - வாசகர், வேலூர்

உங்கள் மகனுக்கு கும்ப லக்னம், மீன ராசி. களத்திர ஸ்தானாதிபதியான சூரியபகவான் குடும்ப ஸ்தானத்தில் அமர்ந்து நவாம்சத்தில் ஆட்சி பெற்றிருக்கிறார். தற்சமயம் லக்னத்தில் அமர்ந்து இருக்கும் பூர்வபுண்ணியாதிபதியான புதபகவானின் தசையில் இறுதிப்பகுதி நடக்கிறது. அடுத்த ஆண்டு இறுதிக்குள் நிரந்தர வேலை கிடைத்துவிடும். திருமணமும் கைகூடும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.