பாகுபலி புகழ் நடிகர் பிரபாஸின் அடுத்தப் படம் ரூ. 150 கோடியில் உருவாகவுள்ளது.
சுஜித்தின் இயக்கத்தில் உருவாகும் இந்தப் படத்தின் ஃபர்ஸ்ட் லுக் மற்றும் படத்தலைப்பு ஆகியவை ஏப்ரல் 23 அன்று வெளியாகவுள்ளது. பாகுபலி 2 படத்தினிடையே இப்படத்தின் டீசரும் தெலுங்கு, ஹிந்தி, தமிழ், மலையாளம் ஆகிய மொழிகளில் வெளியிடப்படவுள்ளது.
பெரிய பட்ஜெட் என்பதற்கு உதாரணம்: ஒரே ஒரு சண்டைக்காட்சிக்கு ரூ. 35 கோடி வரை செலவு செய்ய உள்ளார்கள். டை ஹார்ட், டிரான்ஸ்ஃபார்மர்ஸ் போன்ற படங்களின் சண்டை இயக்குநரான கென்னி பேட்ஸ், இப்படத்தில் பணியாற்றுகிறார்.
இது ஒரு ஜேம்ஸ் பாண்ட் படம்போல இருக்கும். ஆனால் உணர்வுபூர்வமான காட்சிகளும் இருக்கும் என்று பட இயக்குநர் கூறியுள்ளார். யூவி கிரியேஷன்ஸ் தயாரிக்கும் இப்படத்துக்கு இசை - ஷங்கர்-இசான்-லாய்