விஜய் சேதுபதி, காயத்ரி நடிப்பில் ரஞ்சித் ஜெயக்கோடி இயக்கிய படம் - புரியாத புதிர். இந்தப் படத்தின் வெளியீடு பல்வேறு காரணங்களால் தள்ளிப் போனது.
இந்நிலையில் புரியாத புதிர் படம் செப்டம்பர் 1 அன்று வெளிவரவுள்ளதாக அதிகாரபூர்வமாக அறிவிக்கப்பட்டுள்ளது.
விஜய் சேதுபதி நடிப்பில் சமீபத்தில் வெளிவந்த கவண், விக்ரம் வேதா ஆகிய இரு படங்கள் வெற்றி பெற்றுள்ளது. இதனையடுத்து புரியாத புதிர் படம் செப்டம்பர் 1 அன்று வெளிவரவுள்ளது.
சீனு ராமசாமி இயக்கத்தில் விஜய் சேதுபதி, விஷ்ணு, நந்திதா நடிப்பில் உருவாகியுள்ள படம் - இடம் பொருள் ஏவல். யுவன் இசையமைப்பில் வைரமுத்து பாடல்கள் எழுதியுள்ளார். தயாரிப்பு நிறுவனத்துக்கு ஏற்பட்ட நெருக்கடியால் இந்தப் படமும் நீண்ட நாளாக வெளிவராமல் உள்ளது. தென்மேற்குப் பருவக்காற்று படத்துக்குப் பிறகு விஜய் சேதுபதி - சீனு ராமசாமி கூட்டணி சேர்ந்த படம் இது. இந்நிலையில் இப்படம் குறித்து புதிய தகவலை இயக்குநர் சீனு ராமசாமி சமீபத்தில் வெளியிட்டார். அதில் அவர் கூறியதாவது: இடம் பொருள் ஏவல் ரிலீஸுக்குத் தயாராகி வருகிறது என்று கூறினார்.
எனவே புரியாத படம் வெளியான பிறகு இடம் பொருள் ஏவல் வெளியாகும் என எதிர்பார்க்கப்படுகிறது.