பாரதிராஜாவின் உலகளாவிய திரைப்பட பயிற்சி நிலையம்.
இப்பெயரில் புதிய திரைப்பட கல்வி நிலையத்தை தொடங்கவுள்ளார் இயக்குநர் பாரதிராஜா.
நடிப்பு, ஒளிப்பதிவு, படத்தொகுப்பு, இயக்கம், சவுண்ட் டிசைன், கிராபிக்ஸ் - விஎஃப்எக்ஸ், சண்டைப் பயிற்சி, நடனம், புரொடக்ஷன் டிசைன் (கலை) ஆகிய படிப்புகள் இந்தக் கல்வி நிலையத்தில் கற்றுத்தரப்படவுள்ளன.
இந்நிறுவனத்தின் கௌரவ ஆலோசகர்களாக முத்துக்குமார், துணை வேந்தர் (பாரதிதாசன் பல்கலைக்கழகம்), இயக்குநர் மகேந்திரன், இயக்குநர் மணிரத்னம், இயக்குநர் ப்ரியதர்ஷன், இயக்குநர் ராஜீவ் மேனன் கவிஞர் வைரமுத்து, கங்கை அமரன், நடிகை ராதிகா சரத்குமார், நடிகை சுஹாசினி மணிரத்னம் ஆகியோர் இடம்பெற்றுள்ளனர். பாரதிராஜா தரப்பில் வெளியிடப்பட்டுள்ள செய்திக்குறிப்பில் இத்தகவல் வெளியிடப்பட்டுள்ளது.