ராம் இயக்கத்தில் மெகா ஸ்டார் மம்முட்டி நடிப்பில் உருவாகியிருக்கும் பேரன்பு படத்தின் இரண்டாவது டீஸர் நேற்று (ஜூலை 22) ரிலீஸ் ஆனது. இந்தப் படத்தின் முதல் டீஸர் கடந்த 15-ம் தேதி வெளியிடப்பட்டது. இயற்கை இரக்கமற்றது எனத் தொடங்கும் அந்த டீஸர் ஒரு குறுங்கதையைப் போலிருந்தது எனவும், படம் பார்க்க ஆவலாக இருக்கிறது என்று டீஸரைப் பார்த்த ரசிகர்கள் பாராட்டினர். மம்முட்டியின் இயல்பான நடிப்பையும் ரசிகர்கள் பாராட்டியிருந்தனர்.
தற்போது பேரன்பு படத்தின் இரண்டாவது டீஸரை படக் குழுவினர் வெளியிட்டுள்ளனர். : இயற்கை முடிவுற்றது என்ற சொற்றொடருடன் முதல் டீஸரைப் போலவே இந்த இரண்டாவது டீஸரும் மனத்தை உருக்கும் வண்ணம் இருந்தது. இதுவரை 5 லட்சம் பார்வையாளர்களைப் பெற்றுள்ள இந்த டீஸர், இணையத்தில் இந்த டீஸர் வைரலாகி வருகிறது.