அமெரிக்காவைச் சேர்ந்த மருத்துவரை நடிகை தமன்னா திருமணம் செய்யவுள்ளார் என்று சமீபத்தில் செய்திகள் வெளியாகின. இதற்கு நடிகை தமன்னா மறுப்பு தெரிவித்துள்ளார்.
இதுகுறித்து அவர் விளக்கம் அளித்ததாவது:
ஒருநாள் நடிகர், மற்றொரு நாள் கிரிக்கெட் வீரர், தற்போது மருத்துவர். இதுபோன்ற வதந்திகள் எல்லாம் ஏதோ நான் கணவரைத் தேடிக் கடைகடையாக அலைவது போன்ற தோற்றத்தைத் தருகிறது. காதலில் வீழ்வது எனக்குப் பிடிக்கும் என்றாலும் என் தனிப்பட்ட வாழ்க்கை குறித்த ஆதாரமற்ற செய்திகளை ஆதரிக்க முடியாது. நான் இப்போது எந்த உறவிலும் இல்லாமல், மகிழ்ச்சியாக உள்ளேன். எனக்கான துணையை என் பெற்றோரும் தேடவில்லை.
என் சினிமா வேலையைத்தான் காதலித்துக் கொண்டிருக்கிறேன். நான் நடிப்பில் மும்முரமாக இருக்கும்போது எங்கிருந்து இதுபோன்ற வதந்திகள் கிளம்புகின்றன என்று எனக்கு ஆச்சர்யமாக உள்ளன. இதுபோன்ற செய்திகள் மரியாதைக்குறைவானவை. எப்போது திருமணம் செய்வேன் என்பதை நானே உலகுக்கு அறிவிப்பேன். என் திருமணம் இப்போதைக்கு இல்லை. இந்தச் செய்திகள் எல்லாமே யாரோ ஒருவருடைய கற்பனையாகும். வதந்திகள் நிறுத்தப்படவேண்டும் என்று விளக்கம் அளித்துள்ளார்.