தகவல்களின் யுகம் இது. ஒரு கட்டுரையை எழுதவும், பொது அறிவை மேம்படுத்தவும் நாம் சரண் அடைவது கூகிளை தான். கூகிளில் தேடும் போது அது விக்கியபீடியாவை சுட்டிக் காட்டும். அரிய தகவல்கள் பல விக்கிப்பீடியாவில் பதிவேற்றம் செய்யப்பட்டுள்ளது. தன்னார்வலர்கள் பலரால் இன்று இச்சாதனையை அடைந்துள்ள விக்கிபீடியா உண்மையில் கட்டற்ற களஞ்சியம் என்றால் மிகையில்லை. விக்கிபீடியாவில் ஒரு தகவலை உறுதி செய்வதற்காக தேடிய போது இந்தப் புதிய தகவல் கிடைத்தது. வாசகர்கள் பங்கேற்க உதவலாம்.
ஆசிய விக்கிப்பீடியக் குமுகங்களுக்கு இடையே புரிந்துணர்வை மேம்படுத்த ஆசிய மாதம் (Asian Month) என்னும் தொடர் தொகுப்பு நிகழ்வு ஒன்று நவம்பர் 2017 நடைபெற உள்ளது.
பல்வேறு மொழிகளில் அமைந்த விக்கிப்பீடியாக்களிலும் இது நடத்தப்படவுள்ளது. இந்நிகழ்வில் பங்குகொள்ளும் விக்கிப்பீடியர்கள் ஆசியா தொடர்பான தமிழ் விக்கிப்பீடியாவில் கட்டுரைகளை உருவாக்கவும் , ஏற்கனவே பதிவிடப்பட்டுள்ள கட்டுரைகளில் மேலதிகத் தகவல்களைச் சேர்க்கவும், மேம்படுத்தவும் ஊக்குவிக்கப்படுகின்றனர்.
கீழே தரப்பிட்டுள்ள விதிமுறைகளை கடைப்பிடித்து குறைந்தது ஐந்து புதிய கட்டுரைகளை உருவாக்கும் பங்களிப்பாளர்களுக்கு, பங்குகொள்கின்ற ஏனைய நாடுகளிலிருந்து, சிறப்புற வடிவமைக்கப்பட்ட அஞ்சலட்டைகளை அனுப்புவர்.
ஒவ்வொரு விக்கிப்பீடியா திட்டத்திலும் கூடுதல் எண்ணிக்கையில் கட்டுரைகளை உருவாக்கும் விக்கிப்பீடியர்கள், 'விக்கிப்பீடியாவின் ஆசிய தூதுவர்கள்’ என சிறப்பிக்கப்படுவார்கள்.
விதிகள்
ஒருங்கிணைப்பாளர்கள் - தினேஷ்குமார் பொன்னுசாமி
தகவல் - தமிழ் விக்கிப்பீடியா