நியூஸிலாந்துக்கு எதிரான முதல் 3 ஒரு நாள் கிரிக்கெட் ஆட்டங்களில் விளையாடிய அதே இந்திய அணியே, கடைசி 2 ஒரு நாள் ஆட்டங்களிலும் விளையாடும் என அறிவித்துள்ளது பிசிசிஐ.
இது தொடர்பாக பிசிசிஐ வெளியிட்டுள்ள அறிக்கையில், "முதல் 3 ஆட்டங்களில் விளையாடிய அதே அணியை கடைசி இரு ஆட்டங்களிலும் களமிறக்க தேர்வுக்குழு முடிவு செய்துள்ளது. சுரேஷ் ரெய்னா இன்னும் முழு உடற்தகுதியை பெறாததால் இந்தத் தொடரில் இருந்து விலகியுள்ளார்' என குறிப்பிடப்பட்டுள்ளது.
5 போட்டிகளைக் கொண்ட இந்தத் தொடரில் 3 ஆட்டங்கள் முடிந்துள்ள நிலையில், இந்தியா 2-1 என்ற கணக்கில் முன்னிலையில் உள்ளது. 4-ஆவது ஆட்டம் வரும் 26-ஆம் தேதி ராஞ்சியிலும், 5-ஆவது மற்றும் கடைசி ஆட்டம் வரும் 29-ஆம் தேதி விசாகப்பட்டினத்திலும் நடைபெறுகின்றன.
அணி விவரம்: மகேந்திர சிங் தோனி (கேப்டன்/விக்கெட் கீப்பர்), ரோஹித் சர்மா, அஜிங்க்ய ரஹானே, விராட் கோலி, மணீஷ் பாண்டே, ஹார்திக் பாண்டியா, அக்ஷர் படேல், ஜெயந்த் யாதவ், அமித் மிஸ்ரா, ஜஸ்பிரித் பூம்ரா, தவல் குல்கர்ணி, உமேஷ் யாதவ், மன்தீப் சிங், கேதார் ஜாதவ்.