சீன மாஸ்டர்ஸ் கிராண்ட்ப்ரீ கோல்டு பாட்மிண்டன் போட்டியின் காலிறுதிக்கு முந்தைய சுற்றில் இந்தியாவின் காஷ்யப் தோல்வி கண்டார்.
சீனாவின் சங்ஜௌ நகரில் நடைபெற்று வரும் இந்தப் போட்டியில் காஷ்யப் தனது காலிறுதிக்கு முந்தைய சுற்றில் 10-21, 22-20, 13-21 என்ற செட் கணக்கில் சீனாவின் கியாவ் பின்னிடம் தோல்வி கண்டார்.
மற்றொரு காலிறுதிக்கு முந்தைய சுற்றில் இந்தியாவின் ஹர்ஷீல் டேனி 17-21, 18-21 என்ற நேர் செட்களில் சீனாவின் சன் பெய்க்ஸியாங்கிடம் தோல்வி கண்டார். இதன்மூலம் சீன மாஸ்டர்ஸ் போட்டியில் இந்தியாவின் ஆட்டம் முடிவுக்கு வந்தது.