இந்தியாவுக்கு எதிரான 2-வது டெஸ்ட் போட்டியில் இலங்கை அணி, 183 ரன்களுக்கு ஆல் அவுட் ஆகியுள்ளது. இதனால் அந்த அணி ஃபாலோ ஆனை எதிர்கொண்டுள்ளது. இந்தியத் தரப்பில் அஸ்வின் 5 விக்கெட்டுகளும் ஜடேஜா, சமி தலா 2 விக்கெட்டுகளும் உமேஷ் யாதவ் 1 விக்கெட்டும் எடுத்துள்ளார்கள்.
5 விக்கெட்டுகளை 26 வது தடவையாக எடுத்துள்ளார் அஸ்வின். இதையடுத்து அவர் பல சாதனைகளை நிகழ்த்தியுள்ளார்.
இந்திய பந்துவீச்சாளர்களில் கும்ப்ளேவுக்கு அடுத்ததாக அதிகமுறை 5 விக்கெட்டுகளை வீழ்த்தியவர் என்கிற பெருமையை அஸ்வின் பெற்றுள்ளார். கும்ப்ளே 35 தடவையும் அஸ்வின் 26 தடவையும் 5 விக்கெட்டுகளை வீழ்த்தியுள்ளார்கள்.
5 விக்கெட்டுகள்
கும்ப்ளே - 35
அஸ்வின் - 26
ஹர்பஜன் சிங் - 25
கபில் தேவ் - 23
51 டெஸ்டுகளுக்குப் பிறகு அதிகமுறை 5 விக்கெட்டுகள் எடுத்தவர்கள்
26 அஸ்வின்
20 வக்கார் யூனுஸ்
19 போத்தம்
குறைந்த டெஸ்டுகளில் 26 தடவை 5 விக்கெட்டுகளை வீழ்த்தியவர்கள்
51 அஸ்வின்
63 ஹாட்லி
65 முரளிதரன்