ஆஸ்திரேலியா சுற்றுப்பயணம் செய்துள்ள இங்கிலாந்து அணி 5 போட்டிகள் கொண்ட ஆஷஸ் டெஸ்ட் தொடரில் பங்கேற்று விளையாடி வருகிறது. இதில் 2-0 என ஆஸ்திரேலியா முன்னிலை வகிக்கிறது.
இந்த டெஸ்ட் தொடரை அடுத்து 5 போட்டிகள் கொண்ட ஒருநாள் தொடர் நடைபெறவுள்ளது. ஜனவரி 14, 2018-ல் முதல் ஒருநாள் போட்டி நடைபெறவுள்ளது. இதையடுத்து, ஜனவரி 19, 21, 26, 28 ஆகிய தேதிகளில் அடுத்தடுத்த போட்டிகள் நடைபெறுகின்றன.
இந்நிலையில், ஒருநாள் தொடருக்கான இங்கிலாந்து அணி வியாழக்கிழமை அறிவிக்கப்பட்டுள்ளது. இதில், சர்ச்சைகளை ஏற்படுத்தி வரும் நட்சத்திர ஆல்-ரவுண்டர் பென் ஸ்டோக்ஸ் மற்றும் அலெக்ஸ் ஹேல்ஸ் ஆகியோர் அணிக்கு திரும்பியுள்ளனர்.
இங்கிலாந்து அணி வீரர்கள் விவரம் பின்வருமாறு:
இயன் மோர்கன் (கேப்டன்), மூயின் அலி, ஜானி பெர்ஸ்டோ, ஜேக் பால், சாம் பில்லிங்ஸ், ஜாஸ் பட்லர், டாம் குர்ரன், அலெக்ஸ் ஹேல்ஸ், லியம் பிளங்கட், ஆதில் ரஷீத், ஜோ ரூட், ஜேஸன் ராய், பென் ஸ்டோக்ஸ், டேவிட் வில்லி, கிறிஸ் வேக்ஸ், மார்க் உட்.