ஃபோர்ப்ஸ் இதழ், 2017-ம் ஆண்டுக்கான 100 இந்தியப் பிரபலங்கள் பட்டியலை வெளியிட்டுள்ளது.
ரூ. 232 கோடி சம்பாதித்த சல்மான் கான் முதலிடம் பிடித்துள்ளார். ரூ. 170 கோடியுடன் ஷாருக்கானும் ரூ. 100 கோடியுடன் விராட் கோலியும் இரண்டாவது மற்றும் மூன்றாவது இடங்களைப் பிடித்துள்ளார்கள். கடந்த வருடமும் இவர்கள் மூவரும் முதல் மூன்று இடங்களைப் பிடித்தார்கள்.
ரூ. 82 கோடியுடன் சச்சின் 5-வது இடத்தையும் ரூ. 63 கோடியுடன் தோனி 8-வது இடத்தையும் பிடித்துள்ளார்கள். இந்தப் பட்டியலில் பிரியங்கா சோப்ராவுக்கு 7-வது இடமும் தீபிகா படுகோனுக்கு 11-வது இடமும் பி.வி. சிந்துவுக்கு 13-வது இடமும் கிடைத்துள்ளன. ரூ. 29 கோடியுடன் விஜய் 31-வது இடத்தைப் பிடித்துள்ளார். ஜெயம் ரவி 39-வது இடம்பிடித்துள்ள இந்தப் பட்டியலில் ரஜினி, கமல் இடம்பெறவில்லை. ஆனால் ரூ. 11 கோடியுடன் தனுஷ் 70-வது இடத்தில் உள்ளார்.
இந்தியப் பிரபலங்களின் ஒரு வருட வருமானத்தைக் கொண்டு இந்தப் பட்டியலை உருவாக்கியதாக ஃபோர்ப்ஸ் அறிவித்துள்ளது. கடந்த வருடப் பட்டியலில் 11 தென்னிந்திய நடிகர்களே இடம்பெற்றார்கள். ஆனால் இந்தமுறை 13 பேர் இடம்பிடித்துள்ளார்கள்.