டென்மார்க் ஓபன் பாட்மிண்டன் போட்டியில் இந்தியாவின் சாய்னா நெவால், ஸ்ரீகாந்த் ஆகியோர் தங்களது பிரிவில் காலிறுதிச் சுற்றுக்கு முன்னேறினர்.
இதில் மகளிர் ஒற்றையர் பிரிவு காலிறுதிக்கு முந்தைய சுற்றில் சாய்னா, தாய்லாந்தின் நிட்சாவ்ன் ஜின்டாபோலை 22-20, 21-13 என்ற செட் கணக்கில் வீழ்த்தினார். இதையடுத்து தனது காலிறுதிச்சுற்றில் ஜப்பானின் அகானே யமாகுசியை சந்திக்கிறார் சாய்னா.
இதேபோல் ஆடவர் ஒற்றையர் பிரிவில் இந்திய வீரர் ஸ்ரீகாந்த் 21-13, 8-21, 21-18 என்ற செட் கணக்கில் தென் கொரியாவின் ஜியோன் ஹியோக் ஜின்னை வீழ்த்தி காலிறுதிக்கு முன்னேறினார். அந்தச் சுற்றில் அவர், நடப்பு உலக சாம்பியனான டென்மார்க்கின் விக்டர் அக்ùஸல்சனை எதிர்கொள்கிறார்.
இதனிடையே, மற்றொரு சுற்றில் இந்தியாவின் ஹெச்.எஸ்.பிரணாய், ஒலிம்பிக்கில் 3 முறை வெள்ளி வென்ற மலேசியாவின் லீ சோங் வெயை 21-17, 11-21, 21-19 என்ற செட் கணக்கில் வீழ்த்தினார். இதன்மூலம், லீ சோங்கை தொடர்ந்து 2-ஆவது முறையாக வீழ்த்தியுள்ளார் பிரணாய். முன்னதாக, பிரணாய் இந்தோனேசிய ஓபன் பாட்மிண்டன் போட்டியிலும் லீ சோங்கை வீழ்த்தியிருந்தார். பிரணாய் தனது அடுத்த சுற்றில் தென் கொரியாவின் சன் வான் ஹோவை சந்திக்கிறார்.