பிபிஎல்: இறுதிச்சுற்றில் ஹைதராபாத்

பிரீமியர் பாட்மிண்டன் லீக் (பிபிஎல்) போட்டியில் வெள்ளிக்கிழமை நடைபெற்ற முதலாவது அரையிறுதியில் தில்லி டாஷர்ஸ் அணியை 3-0 என்ற கணக்கில் ஹைதராபாத் ஹன்டர்ஸ் வீழ்த்தி இறுதிச்சுற்றுக்கு முன்னேறியது.
முன்னதாக, கலப்பு இரட்டையர் பிரிவு ஆட்டத்தில் ஹைதராபாதின் ரங்கிரெட்டி ஜோடி, 15-13, 10-15, 10-15 என்ற செட் கணக்கில் தில்லி டாஷர்ஸ் அணியின் அஸ்வினி பொன்னப்பா ஜோடியிடம் வீழ்ந்தது.
எனினும், ஆடவர் ஒற்றையர் பிரிவில் ஹைதராபாதின் பிரணீத், 15-9, 15-8 என்ற செட் கணக்கில் தில்லி அணியின் டி. ஹெளவேயை வீழ்த்தினார்.
மகளிர் ஒற்றையர் பிரிவில் கரோலினா மரீன் 12-15, 15-10, 15-9 என்ற செட் கணக்கில் தில்லியின் எஸ்.ஜே.ஹியூனை வீழ்த்தினார்.
இதையடுத்து, 3-0 என்ற கணக்கில் ஹைதராபாத் வெற்றி பெற்று இறுதிச்சுற்றுக்கு முன்னேறியது.
இரண்டாவது அரையிறுதியில் பெங்களூரு பிளாஸ்டர்ஸ், ஆமதாபாத் ஸ்மாஷ் மாஸ்டர்ஸ் அணிகள் ஹைதராபாதில் சனிக்கிழமை மோதவுள்ளன. இந்த ஆட்டத்தில் வெற்று பெறும் அணி ஹைதராபாத் அணியுடன் இறுதிச்சுற்றில் மோதும்.