இலங்கை சுற்றுப்பயணம் செய்யும் 19 வயதுக்குட்பட்டோருக்கான இந்திய அணி அங்கு 4 நாள் ஆட்டம் மற்றும் ஒருநாள் போட்டிகள் கொண்ட தொடரில் பங்கேற்கிறது. இதற்கான இந்திய அணி வியாழக்கிழமை அறிவிக்கப்பட்டது. இந்த அணியில் கிரிக்கெட் ஜாம்பவான் சச்சின் டெண்டுல்கர் மகன் அர்ஜுன் டெண்டுல்கர் இடம்பெற்றுள்ளார்.
இடதுகை வேகப்பந்துவீச்சாளரான அர்ஜுன் டெண்டுல்கர், சமீபகாலமாக இந்திய அணியின் வலைப்பயிற்சியின் போது வீரர்களுக்கு பந்துவீசி வருவது குறிப்பிடத்தக்கது. அதுபோல சமீபத்தில் 19 வயதுக்குட்பட்டோருக்கான மும்பை அணிக்காக விளையாடி உள்ளூர் தொடரில் 18 விக்கெட்டுகளை வீழ்த்தியுள்ளார்.
தில்லியைச் சேர்ந்த அனுஜ் ராவத் தலைமையிலான 19 வயதுக்குட்பட்டோருக்கான 4 நாள் போட்டியில் பங்கேற்கும் இந்திய அணியில் அர்ஜுன் இடம்பிடித்துள்ளார். அதுமட்டுமல்லாமல் 19 வயதுக்குட்பட்டோருக்கான இந்திய அணிக்கு முன்னாள் வீரர் டபள்யூ.வி.ராமன் தலைமைப் பயிற்சியாளராக செயல்படவுள்ளார்.
முன்னதாக, முன்னாள் இந்திய கேப்டன் ராகுல் டிராவிட் பயிற்சியளித்த இப்பிரிவிலான இந்திய அணி சமீபத்தில் உலகக் கோப்பையை வென்றது குறிப்பிடத்தக்கது.
4 நாள் ஆட்டத்துக்கான இந்திய அணி:
அனுஜ் ராவத் (கேப்டன், விக்கெட் கீப்பர்), அதர்வா தைடே, தேவ்தத் படிக்கல், ஆர்யன் ஜுயல் (துணைக் கேப்டன், விக்கெட் கீப்பர்), யாஷ் ராதோட், ஆயுஷ் பதோனி, சமீர் சௌத்ரி, சித்தார்த் தேசாய், ஹர்ஷ் தியாகி, ஒய்.டி.மங்வானி, அர்ஜுன் டெண்டுல்கர், நேஹல் வதேரா, ஆகாஷ் பாண்டே, மோஹித் ஜங்கரா, பவன் ஷா.
ஒருநாள் தொடருக்கான இந்திய அணி:
ஆர்யன் ஜுயல் (கேப்டன், விக்கெட் கீப்பர்), அனுஜ் ராவத் (விக்கெட் கீப்பர்), தேவ்தத் படிக்கல், அதர்வா தைடே, யாஷ் ராதோட், ஆயுஷ் பதோனி, சமீர் சௌத்ரி, சித்தார்த் தேசாய், ஹர்ஷ் தியாகி, ஒய்.டி.மங்வானி, அஜய் தேவ்காட், ஒய்.ஜெய்ஸ்வால், மோஹித் ஜங்ரா, ஆகாஷ் பாண்டே, பவன் ஷா.