முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

மைல் கற்களில் ஹிந்தியில் ஊர் பெயர்: டி.ஆர்.பாலு விளக்கம்

நெடுஞ்சாலை மைல் கற்களில் ஹிந்தியில் எழுதப்படுவதற்கு திமுக காரணம் இல்லை என்று மத்திய இணையமைச்சர் பொன்.ராதாகிருஷ்ணனுக்கு முன்னாள் மத்திய அமைச்சர் டி.ஆர்.பாலு விளக்கம்

Updated On :

நெடுஞ்சாலை மைல் கற்களில் ஹிந்தியில் எழுதப்படுவதற்கு திமுக காரணம் இல்லை என்று மத்திய இணையமைச்சர் பொன்.ராதாகிருஷ்ணனுக்கு முன்னாள் மத்திய அமைச்சர் டி.ஆர்.பாலு விளக்கம் அளித்துள்ளார்.
இது தொடர்பாக செவ்வாய்க்கிழமை அவர் வெளியிட்ட அறிக்கை: 2004 டிசம்பர் 21-இல் அப்போது முதல்வராக இருந்த ஜெயலலிதா ஓர் அறிக்கை வெளியிட்டார். அதில், நடைமுறையில் இருக்கும் இரு மொழிக் கொள்கைக்குப் பேராபத்து ஏற்படும் வகையில் தேசிய நெடுஞ்சாலைகளில் உள்ள மைல் கற்களில் திடீரென ஹிந்தியில் எழுதத் தொடங்கியுள்ளனர். இதற்கு மத்திய அமைச்சராக இருக்கும் டி.ஆர்.பாலுதான் பொறுப்பு என்று குற்றஞ்சாட்டினார்.
அதைத் தொடர்ந்து நெடுஞ்சாலைத் துறை சார்பில் ஓர் அறிவிப்பை வெளியிட்டேன். அதில், எல்லா மைல் கற்களிலும் மாநில மொழிகளில் ஊர்களின் பெயர்கள் கட்டாயம் இடம் பெற வேண்டும். ஊர் ஆரம்பிக்கும் இடத்தில், ஊரின் பெயரை மாநில மொழியிலும், அதைத் தொடர்ந்து, அடுத்தடுத்து வரும் கற்களில் ஆங்கிலம், இதர மொழிகள் இருக்க வேண்டும். எப்படியும் மைல் கற்களில் மாநில மொழிகளுக்கு முன்னுரிமை தரப்பட வேண்டும் என்று தெளிவாக அறிவிப்பு வெளியிட்டேன்.
இந்நிலையில், மத்திய இணையமைச்சர் பொன்.ராதாகிருஷ்ணன் முந்தைய அரசின் நடைமுறையைத்தான் பின்பற்றுகிறோம் என்று திமுக மீது உண்மைக்கு மாறான வகையில் கூறியுள்ளார். இது கண்டிக்கத்தக்கது. இந்தப் பிரச்னையில் அவதூறு கருத்துகள் பரப்புவதை இன்றைய மத்திய அமைச்சர் நிறுத்திக் கொள்ள வேண்டும்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.