பஞ்சாங்கம்

ஞாயிற்றுக்கிழமை

23

விகாரி ஆண்டு, மாசி 11-ம் தேதி

நல்ல நேரம்

காலை 10.30 - 11.30   மாலை 3.30 - 4.30

ராகு காலம்

4.30 - 6.00

எம கண்டம்

12.00 - 1.30

குளிகை

3.00 - 4.00

திதி

அமாவாசை

நட்சத்திரம்

அவிட்டம்

சந்திராஷ்டமம்

புனர்பூசம், பூசம்

இன்றைய ராசிபலன்

மேஷம் - ஆதரவு
ரிஷபம் - சிக்கல்
மிதுனம் - சிரமம்
கடகம் - அசதி
சிம்மம் - லாபம்
கன்னி - செலவு
துலாம் - சுகம்
விருச்சிகம் - கவலை
தனுசு - வெற்றி
மகரம் - நன்மை
கும்பம் - பயம்
மீனம் - வருத்தம்

யோகம்: அமிர்த சித்த யோகம்

சூலம்: மேற்கு

பரிகாரம்: வெல்லம்

விசேஷம்: சர்வ அமாவாசை. ஸ்ரீசைலம், காளஹஸ்தி, திருவைக்காவூர் ஸ்ரீசிவபெருமான் திருக்கல்யாணம்.

கேள்வி - பதில்
  • என் மகள் வயிற்று பேத்திக்கு மாப்பிள்ளை பார்த்து வருகிறோம். திருமணம் எப்போது நடைபெறும்? வரன் சொந்தத்தில் அமையுமா? என்ன பரிகாரம் செய்யலாம்? - வாசகர், சங்கராபுரம்
  • உங்கள் பேத்திக்கு ரிஷப லக்னம், ரிஷப ராசி, ரோகிணி நட்சத்திரம். லக்னாதிபதி மற்றும் ஆறாம் வீட்டிற்கு அதிபதியான சுக்கிரபகவான் புதன், சூரியன், குரு, ராகு பகவான்களுடன் இணைந்திருக்கிறார். தர்மகர்மாதிபதியான சனிபகவான் தொழில் ஸ்தானத்தில் ஆட்சி பெற்றமர்ந்து சச மகாயோகத்தைப் பெறுகிறார். களத்திர, நட்பு ஸ்தானமான ஏழாம் வீட்டிற்கும் அயன ஸ்தானமான பன்னிரண்டாம் வீட்டிற்கும் அதிபதியான செவ்வாய்பகவான் தைரிய முயற்சி வைராக்கிய ஸ்தானத்தில் நீச்சபங்க ராஜயோகம் பெற்று ஆறாம் வீட்டையும் ஒன்பதாம் வீட்டையும் பத்தாம் வீட்டையும் பார்வை செய்கிறார். குருபகவானின் பார்வைபத்தாம் வீட்டின்மீதும் அங்கு அமர்ந்து இருக்கும் சனிபகவானின் மீதும் பன்னிரண்டாம் வீட்டின்மீதும் அங்கு அமர்ந்திருக்கும் கேதுபகவானின் மீதும் இரண்டாம் வீட்டின் மீதும் படிகிறது. தற்சமயம் ராகுபகவானின் தசையில் சந்திரபகவானின் புக்தி நடப்பதால் இன்னும் ஒன்றரை ஆண்டுக்குள் சம தோஷமுள்ள வரன் அமைந்து திருமணம் கைகூடும். அந்நியத்தில் வரன் அமைவார். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.  

  • என் வயது 41. இது வரை எத்தனையோ பெண் பார்த்தும் திருமணம் கைகூடி வரவில்லை. திருமணம் நடைபெற வாய்ப்பு உள்ளதா? சொந்தத்தில் அமையுமா? சுய தொழில் செய்யலாமா?  - சீனிவாசன், ஸ்ரீரங்கம்
  • உங்களுக்கு தனுசு லக்னம், கும்ப ராசி, பூரட்டாதி நட்சத்திரம். அஷ்டமம் மற்றும் மனோகாரகரான சந்திரபகவான் ராசியில் எட்டுக்கு எட்டாம் வீட்டில் விபரீத ராஜயோகம் பெற்று இருப்பது சிறப்பாகும். லக்னாதிபதி மற்றும் சுகாதிபதி உச்சம் பெற்று லாப ஸ்தானத்திலுள்ள செவ்வாய், சுக்கிர பகவான்களுக்குக் கேந்திரம் பெற்றிருப்பதும் சிறப்பு. மேலும் செவ்வாய், சுக்கிர பகவான்களின் பார்வை பூர்வ
     புண்ணிய ஸ்தானத்தின் மீதும் படிகிறது. குருமங்கள யோகம், பௌர்ணமி யோகம், புதஆதித்ய யோகம் ஆகிய முக்கிய யோகங்கள் உள்ளன. களத்திர ஸ்தானாதிபதி பாக்கிய ஸ்தானத்தில் அமர்ந்து தற்சமயம் தசையை நடத்துவதால் இந்த ஆண்டே சமதோஷமுள்ள பெண் அமைந்து திருமணம் கைகூடும். உங்கள் ஜாதகப்படி உங்கள் பெயர் பொருத்தமாகவே அமைகிறது. அதிர்ஷ்ட நிறம் பச்சை. பிரதி புதன்கிழமைகளில் ஸ்ரீராமபிரானை வழிபட்டு வரவும். எதிர்காலம் சிறப்பாக அமையும்.

  • என் மகள் அரசுத் தேர்வு எழுதி வருகிறார். அரசு உத்தியோகம் கிடைக்குமா? எப்போது திருமணம் கைகூடும்? எத்தகைய வரன் அமையும்? தோஷம் ஏதும் உள்ளதா? என்ன பரிகாரம் செய்ய வேண்டும்?  - வாசகி, சேலம்
  • உங்கள் மகளுக்கு விருச்சிக லக்னம், மேஷ ராசி, கிருத்திகை நட்சத்திரம். லக்னம், ஆறாம் வீட்டிற்கும் அதிபதியான செவ்வாய்பகவான் பாக்கிய ஸ்தானமான ஒன்பதாம் வீட்டில் நீச்சபங்க ராஜயோகம் பெற்று களத்திர நட்பு ஸ்தானமான ஏழாம் வீட்டிற்கும் அயன மோட்ச ஸ்தானமான பன்னிரண்டாம் வீட்டிற்கும் அதிபதியான சுக்கிரபகவானுடனும் இணைந்திருக்கிறார். தனம் வாக்கு குடும்ப ஸ்தானமான இரண்டாம் வீட்டிற்கும் பூர்வபுண்ணிய புத்திர ஸ்தானமான ஐந்தாம் வீட்டிற்கும் அதிபதியான குருபகவான், இரண்டாம் வீட்டில் மூலதிரிகோணம் பெற்று, ஆறாம் வீட்டையும் அங்கு அமர்ந்திருக்கும் சந்திரபகவானையும் (குரு சந்திர யோகம்) எட்டாம் வீட்டையும் தொழில் ஸ்தானத்தையும் அங்கு அமர்ந்திருக்கும் சூரியபகவானையும் (சிவராஜயோகம்) பார்வை செய்கிறார். கல்வி ஸ்தானாதிபதி பூர்வபுண்ணிய ஸ்தானத்தில் கேதுபகவானுடன் இணைந்து லாப ஸ்தானத்தில் ஆட்சி, உச்சம், மூலதிரிகோணம் பெற்றிருக்கும் புதபகவானாலும் கேதுபகவானாலும் பார்க்கப்படுகிறார். இதனால் அரசு சம்பந்தப்பட்ட வேலை கிடைக்கும். மத்திய அரசு வேலைக்கும் முயற்சி செய்யச் சொல்லவும். இன்னும் இரண்டாண்டுகளுக்குள் படித்த நல்ல வேலையிலுள்ள வரன் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையை வழிபட்டு வரவும்.

  • என் மகன் தற்போது +1 படிக்கிறார். படிப்பில் சரியான ஈடுபாடில்லை. எப்போது இந்நிலை மாறும்? நன்றாகப் படித்து நல்ல வேலைக்குச் செல்லும் பாக்கியமுண்டா? ஏதும் தோஷம் உள்ளதா? எதிர்காலம் எவ்வாறு இருக்கும்?  - வாசகி, தாம்பரம்
  • உங்கள் மகனுக்கு கும்ப லக்னம், கன்னி ராசி, அஸ்தம் நட்சத்திரம். லக்னம் மற்றும் அயன ஸ்தானமான பன்னிரண்டாம் வீட்டிற்கும் அதிபதியான சனிபகவான் பூர்வபுண்ணிய ஸ்தானத்தில் அமர்ந்திருக்கிறார். பூர்வபுண்ணிய ஸ்தானமான ஐந்தாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான புதபகவான் களத்திர நட்பு ஸ்தானத்தில் தனம் வாக்கு குடும்ப ஸ்தானமான இரண்டாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான குருபகவானுடன் இணைந்திருக்கிறார். குருபகவானின் ஐந்தாம் பார்வை லாப ஸ்தானத்தின் மீதும் அங்கு அமர்ந்திருக்கும் தொழில் ஸ்தானாதிபதியான செவ்வாய்பகவானின் மீதும் அங்கு அமர்ந்திருக்கும் ராகுபகவானின் மீதும் படிகிறது. தற்சமயம் ராகுபகவானின் தசையும் நடக்கத் தொடங்கி சுய புக்தி 03.10.2020 வரை நடக்கும். கல்வி ஸ்தானமான நான்காம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான சுக்கிரபகவான் அஷ்டம ஸ்தானத்தில் சப்தமாதிபதியான சூரியபகவானுடன் இணைந்து நீச்சபங்க ராஜயோகத்தைப் பெறுகிறார். கேதுபகவான் பாக்கிய ஸ்தானத்தில் அமர்ந்து இருப்பதும் சிறப்பாகும். இந்த ஆண்டு அக்டோபர் மாதத்திற்குப்பிறகு அவரின் படிப்பில் நடவடிக்கைகளில் சிறப்பான முன்னேற்றம் ஏற்பட்டு விடும். எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையை வழிபட்டு வரவும். அவரின் ஜாதகம் சரியாகவே கணிக்கப்பட்டுள்ளது.

  • என் மகள் வங்கித் தேர்வுகள் எழுதி வருகிறார். அரசு வேலை கிடைக்குமா? திருமணம் எப்போது நடைபெறும்? பரிகாரம் ஏதும் செய்ய வேண்டுமா?  - வாசகர், அருப்புக்கோட்டை
  • உங்கள் மகளுக்கு சிம்ம லக்னம், மீன ராசி, உத்திரட்டாதி நட்சத்திரம். லக்னாதிபதி சூரியபகவான் அஷ்டம ஸ்தானத்தில் செவ்வாய், சனி, சந்திரன், கேது பகவான்களுடன் இணைந்திருக்கிறார். தனம் வாக்கு குடும்ப ஸ்தானமான பதினொன்றாம் வீட்டிற்கும் அதிபதியான புதபகவான் களத்திர நட்பு ஸ்தானத்தில் அமர்ந்திருக்கிறார். தைரிய ஸ்தானத்திற்கும் தொழில் ஸ்தானத்திற்கும் அதிபதியான சுக்கிரபகவான் பாக்கிய ஸ்தானமான ஒன்பதாம் வீட்டில் அமர்ந்து நவாம்சத்தில் தன் ஆட்சி வீட்டை அடைகிறார். அவருக்கு கணினி துறை வேலையே சிறப்பாகும். இந்த ஆண்டு இறுதிக்குள் நல்ல வேலை கிடைக்கும். மற்றபடி இன்னும் இரண்டாண்டுகளுக்குள் திருமணம் கைகூடும். படித்த நல்ல வேலையிலுள்ள வரன் அமைவார். எதிர்காலம், மணவாழ்க்கை சிறப்பாக அமையும்.
     

  • என் மகளுக்கு மணவாழ்க்கை சரியாக அமையவில்லை. திருமணம் நடந்து விவாகரத்துப் பெற்றுவிட்டோம். மறுமணம் நடைபெறுமா? எம்.பி.,ஏ., படித்திருக்கும் அவருக்கு வேலை கிடைக்குமா? எதிர்காலம் எவ்வாறு அமையும்?  - வாசகர், வளவனூர்
  • உங்கள் மகளுக்கு கன்னி லக்னம், பூரம் நட்சத்திரம், சிம்ம ராசி. லக்னம் மற்றும் தொழில் ஸ்தானத்திற்கும் அதிபதியான புதபகவான் லக்னத்தில் ஆட்சி, உச்சம் மூலதிரிகோணம் பெற்று பூர்வபுண்ணியாதிபதி மற்றும் சூரியபகவான்களுடன் இணைந்திருக்கிறார். இதனால் பத்ர யோகம், புதஆதித்ய யோகம் ஆகிய சிறப்பான யோகங்கள் உண்டாகின்றன. சுகம் மற்றும் களத்திர ஸ்தானத்திற்கும் அதிபதியான குருபகவான் தனம், வாக்கு குடும்ப ஸ்தானத்தில் அமர்ந்து ஆறு, எட்டு, பத்தாம் வீடுகளைப் பார்வை செய்கிறார். அஷ்டமாதிபதியான செவ்வாய்பகவான் மூன்றாம் வீட்டில் ஆட்சி பெற்றிருக்கிறார். தற்சமயம் குருபகவானின் பார்வையை பெற்றிருக்கும் ராகுபகவானின் தசையில் அயன ஸ்தானத்தில் அமர்ந்து இருக்கும் சுக்கிரபகவானின் புக்தி நடப்பதால் இந்த ஆண்டு இறுதிக்குள் சமதோஷமுள்ள படித்த நல்ல வேலையிலுள்ள வரன் அந்நியத்தில் அமைந்து திருமணம் கைகூடும். பிரதி செவ்வாய்க்கிழமைகளில் துர்க்கையை வழிபட்டு வரவும். நல்ல வேலையும் கிடைக்கும்.

  • என் மகன் அமெரிக்காவில் வசிக்கிறார். 2008- இல் திருமணமாகி விவாகரத்தாகிவிட்டது. மறுமண முயற்சிகள் வெற்றிபெறவில்லை. எப்பொழுது மறுமணம் நடைபெறும்? வெளிநாட்டில் நிரந்தரமாக தங்கும் அனுமதி எப்போது கிடைக்கும்?  - வாசகர், புழுதிவாக்கம்
  • உங்கள் மகனுக்கு தனுசு லக்னம், ரிஷப ராசி, மிருகசீரிஷ நட்சத்திரம். அஷ்டமாதிபதியான சந்திரபகவான் விபரீத ராஜயோகம் பெற்று ஆறாம் வீட்டில் உச்சம் பெற்றிருப்பது சிறப்பு. லக்னம் மற்றும் சுக ஸ்தானத்திற்கு அதிபதியான குருபகவான் தொழில் ஸ்தானமான பத்தாம் வீட்டில் ஆறு மற்றும் பதினொன்றாமதிபதியான சுக்கிரபகவானுடன் தனம், வாக்கு, குடும்பம் மற்றும் தைரிய ஸ்தானமான மூன்றாம் வீட்டிற்கும் அதிபதியான சனிபகவானுடனும் இணைந்திருக்கிறார். இவர்களின் பார்வை சுக ஸ்தானத்தின் மீதும் படிகிறது. அதோடு குருபகவானின் ஐந்தாம் பார்வை இரண்டாம் வீட்டின் மீதும் அங்கு அமர்ந்திருக்கும் கேதுபகவானின் மீதும், ஒன்பதாம் பார்வை ஆறாம் வீட்டின் மீதும் அங்கு அமர்ந்திருக்கும் சந்திரபகவானின் மீதும் படிகிறது. இதனால் சிறப்பான குரு சந்திர யோகம் உண்டாகிறது. பூர்வபுண்ணியாதிபதி மற்றும் அயன ஸ்தானாதிபதியான செவ்வாய்பகவான் அயன ஸ்தானத்திலேயே ஆட்சி பெற்று உச்சம் பெற்றுள்ள சந்திரபகவானைப் பார்வை செய்வதால் முழுமையான சந்திரமங்கள யோகம் உண்டாகிறது. களத்திர, தொழில் ஸ்தானாதிபதியான புதபகவான் பாக்கியாதிபதியான சூரியபகவானுடன் லாப ஸ்தானத்தில் இணைந்து இருப்பதும் சிறப்பு. தற்சமயம் குருபகவானின் தசை முடிந்து சனிபகவானின் தசை நடக்க உள்ளது. இன்னும் ஒன்றரை ஆண்டுக்குள் மறுமணம், நிரந்தர குடியுரிமை ஆகியவை நடந்தேறி விடும். எதிர்காலம் சிறப்பாக அமையும். புத்திர பாக்கியம் உண்டு. பிரதி ஞாயிற்றுக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.

  • என் பேத்திக்கு எப்பொழுது திருமணம் கைகூடும்? அரசு வேலை கிடைக்குமா? என்ன பரிகாரம் செய்ய வேண்டும்?  - வாசகி, மகாலட்சுமி நகர்
  • உங்கள் பேத்திக்கு கடக லக்னம், கடக ராசி, பூசம் நட்சத்திரம். லக்னாதிபதி லக்னத்திலேயே ஆட்சி பெற்றிருக்கிறார். பூர்வபுண்ணியாதிபதி, தொழில் ஸ்தானாதிபதியான செவ்வாய்பகவான் ஆறாம் வீட்டில், ருணம், ரோகம், சத்ரு ஸ்தானமான ஆறாமதிபதியும் பாக்கியாதிபதியான ஒன்பதாமதிபதியான மூலதிரிகோணம் பெற்ற குருபகவானுடன் இணைந்து இருக்கிறார். இதனால் தர்மகர்மாதிபதி யோகம் உண்டாகிறது. இவர்களுடன் புத, சுக்கிரபகவான்களும் இணைந்து இருக்கிறார்கள். களத்திர, நட்பு ஸ்தானமான ஏழாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான சனிபகவான் அஷ்டம ஸ்தானமான எட்டாம் வீட்டில் மூலதிரிகோணம் பெற்று அமர்ந்திருக்கிறார். சனிபகவான் களத்திர ஸ்தானத்திற்கு தன ஸ்தானமான இரண்டாம் வீட்டில் (பாவாத்பாவம்) அமர்ந்திருப்பதால் படித்த நல்ல வேலையிலுள்ள வரன் ஒன்றரை ஆண்டுக்குள் அமைந்து திருமணம் கைகூடும். அரசு சம்பந்தப்பட்ட வேலையும் அமையும். பிரதி திங்கள்கிழமைகளில் விநாயகப்பெருமானை வழிபட்டு வரவும்.

  • எனது இரண்டு மகன்களின் படிப்பு, வேலை வாய்ப்பு எவ்வாறு இருக்கும்?  - சங்கர், எட்டயபுரம்
  • உங்கள் மூத்த மகனுக்கு விருச்சிக லக்னம், மேஷ ராசி, பரணி நட்சத்திரம். லக்னம் மற்றும் ஆறாமதிபதியான செவ்வாய்பகவான் அஷ்டம ஸ்தானமான எட்டாம் வீட்டில் அமர்ந்து நவாம்சத்தில் மகர ராசியில் உச்சம் அடைகிறார். தனம், வாக்கு, குடும்பம் மற்றும் பூர்வபுண்ணியாதிபதியான குருபகவான் அஷ்டம ஸ்தானத்தில் சுய சாரத்தில் அமர்ந்து இருக்கிறார். தொழில் ஸ்தானாதிபதி சூரியபகவானும் லாபாதிபதியான புதபகவானும் களத்திர ஸ்தானமான ஏழாம் வீட்டில் சனி மற்றும் ராகுபகவானுடன் இணைந்து இருக்கிறார். கல்விகாரகரும் கல்வி ஸ்தானாதிபதியும் இணைந்து களத்திர ஸ்தானத்தில் இருக்கிறார்கள். குரு மங்கள யோகம், புதஆதித்ய யோகம் ஆகிய பலமான யோகங்கள் உள்ளன. அவருக்கு பிடித்தமான துறையில் கல்வி அமையும். ஆடிட்டிங், நிதி, சட்டம் போன்ற துறைகள் ஏற்றது. தற்சமயம் பாக்கியாதிபதியின் தசை நடப்பதால் அவர் எடுக்கும் முயற்சிகள் வெற்றிகரமாக முடியும். எதிர்காலம் சிறப்பாக அமையும்.
     உங்கள் இரண்டாம் மகனுக்கு கன்னி லக்னம், மேஷ ராசி, அசுவினி நட்சத்திரம். லக்னம் மற்றும் தொழில் ஸ்தானமான பத்தாம் வீட்டிற்கும் அதிபதியான புதபகவான் அஷ்டம ஸ்தானமான எட்டாம் வீட்டில் உச்சம் பெற்றுள்ள சூரியபகவானுடன் இணைந்திருக்கிறார். புதஆதித்ய யோகம் எட்டாம் வீட்டில் ஏற்பட்டிருப்பது சிறப்பாகும். தனம் வாக்கு குடும்பம் மற்றும் பாக்கிய ஸ்தானமான ஒன்பதாம் வீட்டிற்கும் அதிபதியான சுக்கிரபகவான் ஒன்பதாம் வீட்டில் ஆட்சி பெற்றிருக்கிறார். பூர்வபுண்ணியாதிபதியான சனிபகவான் தொழில் ஸ்தானமான பத்தாம் வீட்டில் அமர்ந்திருப்பது சிறப்பு. மேலும் லக்னத்தில் அமர்ந்திருக்கும் குருபகவானின் பார்வை ஐந்து, ஏழு, ஒன்பதாமிடங்களைப் பார்வை செய்கிறார். தற்சமயம் நடக்கும் சுக்கிரபகவானின் தசை இன்னும் 15 ஆண்டுகள் நடக்கும். இது யோக தசையாகும். பெற்றோருக்கும் இதனால் யோக பாக்கியங்கள் கூடும். கணினி சம்பந்தப்பட்ட துறையில் ஈடுபடுத்தலாம். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.

  • எனக்கு 58 வயதாகிறது. நான் நியூசிலாந்து நாட்டின் குடியுரிமை பெற்றவன். பல ஆண்டுகளாக ஆஸ்திரேலியாவில் வசிக்கிறேன். சனி தசையில் ஓரளவு நல்ல வளர்ச்சி ஏற்பட்டாலும் இறுதிப்பகுதியில் பல கஷ்டங்களைப் பட்டுவிட்டேன். தற்சமயம் புதன் தசை என்கிறார்கள். ஆஸ்திரேலியாவில் எந்த வேலையும் கிடைக்காததால் இரண்டு தடவை தற்காலிகமாக திரும்பி வந்தேன். சென்ற 6 மாதங்களுக்கு முன்பு நிரந்தரமாக வரவேண்டியதாகிவிட்டது. இங்கும் வேலை எதுவும் கிடைக்கவில்லை, மறுபடியும் வெளிநாடு செல்வேனா? என் எதிர்காலம் எவ்வாறு அமையும்?  - வாசகர், சென்னை
  • உங்களுக்கு சிம்ம லக்னம், துலாம் ராசி, சித்திரை நட்சத்திரம். அயன மோட்ச ஸ்தானாதிபதியான சந்திரபகவான் தைரிய முயற்சி ஸ்தானமான மூன்றாம் வீட்டில் செவ்வாய்பகவானின் (சித்திரை நட்சத்திரம்) சாரத்தில் வர்கோத்தமத்தில் (ராசியிலும் நவாம்சத்திலும் ஒரே ராசியில் அமர்ந்திருக்கும் நிலை) அமர்ந்திருக்கிறார். பன்னிரண்டாம் வீடு வெளிநாட்டைக் குறிக்கும். பிறந்த ஊரைவிட்டு வெளியூரில்தான் வசிக்க நேரிடும் என்று குறிப்பாக கூறினாலும் கடக ராசிக்கு அதிபதியான சந்திரபகவான் சர ராசி மற்றும் நீர் ராசியாகி, நீர் கிரகமாகி மற்றொரு சர ராசியான துலாம் ராசியில் வர்கோத்தமத்தில் இருப்பது வெளிநாட்டில்தான் இறுதிவரை வாழவேண்டும் என்கிற அமைப்பை உணர்த்துகிறது. இத்துடன் லக்னம், பூர்வ புண்ணியம் மற்றும் பாக்கிய ஸ்தானங்கள், ஸ்தானாதிபதிகளின் பலத்தையும் சீர்தூக்கி பார்க்க வேண்டும்.
     உங்களுக்கு லக்னாதிபதியான சூரியபகவான் அஷ்டம ஸ்தானமான எட்டாம் வீட்டில் சனிபகவானின் (உத்திரட்டாதி நட்சத்திரம்) சாரத்தில் அமர்ந்து நவாம்சத்தில் கன்னி ராசியை அடைகிறார். லக்னாதிபதி அஷ்டம ஸ்தானமான எட்டாம் வீட்டில் அமர்ந்திருப்பது தீர்க்காயுள் யோகம் என்று கூறவேண்டும். அதோடு மீன ராசியான மற்றொரு நீர்ராசியாகவும் ஆனபடியால் வெளிநாட்டில் இறுதிவரை வசிப்பதற்கும் ஏது
     வாக அமைகிறது. அதேநேரம் சந்திரபகவானுக்கு இருபுறமும் கிரகங்கள் இல்லாதது சிறு குறை. இதை கேமதுரும யோகம் என்றும் கூறுவார்கள். இந்த சந்திரபகவானை குருபகவான் பார்வை செய்வதால் குருசந்திர யோகம் உண்டாகி, கேமத்துரும யோகத்தில் வீரியம் குறைந்து மனக்குழப்பங்கள் நீங்கும். சந்திரபகவானின் பாதுகாப்பற்ற நிலைமையும் நீங்கிவிடுகிறது.
     பூர்வபுண்ணிய புத்திர புத்தி ஸ்தானமான ஐந்தாம் வீட்டிற்கும் அஷ்டம ஸ்தானமான எட்டாம் வீட்டிற்கும் அதிபதியான குருபகவான் களத்திர, நட்பு ஸ்தானமான ஏழாம் வீட்டில் செவ்வாய்பகவானின் (அவிட்டம் நட்சத்திரம்) சாரத்தில் அமர்ந்து நவாம்சத்தில் விருச்சிக ராசியை அடைகிறார். பூர்வபுண்ணியாதிபதியாகிய ஒரு திரிகோணாதிபதி மற்றொரு கேந்திரத்தில் இருப்பது சிறப்பென்றாலும் அஷ்டம ஸ்தானமான எட்டாம் வீட்டிற்கு விரய ஸ்தானத்தில் இருப்பதை சிறு குறை என்றே கூறவேண்டும். அதாவது, எட்டாம் வீட்டிற்கு விரைய ஸ்தானமான பன்னிரண்டாம் வீட்டில் இருக்கிறார். எட்டாம் வீட்டை புதையல்வீடு என்கிறோம். அதனால் புதையல் போன்ற அதிர்ஷ்ட வாய்ப்பு கைநழுவிப்போகவும் வாய்ப்புள்ளது என்றும் புரிந்து கொள்ள வேண்டும்.
     சுக ஸ்தானமான நான்காம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான செவ்வாய்பகவான் களத்திர, நட்பு ஸ்தானமான ஏழாம் வீட்டில் ராகுபகவானின் (சதய நட்சத்திரம்) சாரத்தில் வர்கோத்தமத்தில் அமர்ந்து இருக்கிறார். ஒரு கேந்திராதிபதி மற்றொரு கேந்திரத்திலும் ஒரு திரிகோணாதிபதி ஒரு கேந்திரத்திலும் அமர்ந்திருப்பது சிறப்பாகும். செவ்வாய்பகவான் பூமிக்கிரகமாகி அதிர்ஷ்டத்துக்கு அதிபதியான குருபகவானுடன் இணைந்திருப்பதால் குருமங்கள யோகம் முழுமையாக உண்டாகி நிலபுலன்கள் மூலமும் கட்டட கட்டுமானத்துறைகள் மூலமும் தாமிரம், தங்கம் போன்ற உலோகங்கள் மூலமும் யோக பாக்கியங்கள் உண்டாகும். அதோடு வங்கி, காப்பீடு, கெமிக்கல் துறைகளின் மூலமும் நிரந்தர வருவாய் கிடைக்கும். எரிபொருள், உணவு சம்பந்தப்பட்ட வகையில் தொழில் புரிய முடியும். உடல் உரத்தாலும் ஜீவனம் அமையக்கூடும்.
     தனம் வாக்கு குடும்ப ஸ்தானமான இரண்டாம் வீட்டிற்கும் லாப ஸ்தானமான பதினொன்றாம் வீட்டிற்கும் அதிபதியான புதபகவான் களத்திர நட்பு ஸ்தானமான ஏழாம் வீட்டில் ராகுபகவானின் (சதய நட்சத்திரம்) சாரத்தில் அமர்ந்து நவாம்சத்தில் நீச்சமடைகிறார். தைரிய முயற்சி வைராக்கிய ஸ்தானமான மூன்றாம் வீட்டிற்கும் தொழில் ஸ்தானமான பத்தாம் வீட்டிற்கும் அதிபதியான சுக்கிரபகவான் அஷ்டம ஸ்தானமான எட்டாம் வீட்டில் புதபகவானின் (ரேவதி நட்சத்திரம்) சாரத்தில் உச்சம் பெற்று நவாம்சத்தில் தன் ஆத்ம நண்பரான சனிபகவானின் வீடான மகர ராசியை அடைகிறார்.
     ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கும் களத்திர நட்பு ஸ்தானமான ஏழாம் வீட்டிற்கும் அதிபதியான சனிபகவான் ஆறாம் வீட்டிலேயே சந்திரபகவானின் (திருவோண நட்சத்திரம்) சாரத்தில் ஆட்சி பெற்று நவாம்சத்தில் தன் ஆத்ம நண்பரான சுக்கிரபகவானின் ராசியான ரிஷப ராசியை விபரீத ராஜயோகம் பெற்று அமர்கிறார். ராகுபகவான் அயன மோட்ச ஸ்தானமான பன்னிரண்டாம் வீட்டில் புதபகவானின் (ஆயில்யம் நட்சத்திரம்) அமர்ந்து நவாம்சத்தில் கும்ப ராசியை அடைகிறார். கேதுபகவான் ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டில் செவ்வாய்பகவானின் சாரத்தில் (அவிட்டம் நட்சத்திரம்) அமர்ந்து நவாம்சத்தில் சிம்ம ராசியை அடைகிறார்.
     பொதுவாக, ஏழாம் வீடு, ஏழாம் வீட்டோன், ஏழாம் வீட்டின் பலம் மற்றும் ஒன்பது, பன்னிரண்டாம் வீடுகளின் பலம் சிறப்பாக அமைந்தால் வெளிநாட்டில் நிரந்தரமாக வாழ குடியுரிமை கிடைக்கும். ஒன்பதாம் வீடு வலுத்திருக்கும் பட்சத்தில் பல வெளிநாடுகளுக்குச் சென்று அந்நியச் செலாவணி ஈட்டுவார். சர ராசிகளில் அதிக கிரகங்கள் இருப்பதற்கும் நீர் ராசிகளான கடகம், விருச்சிகம், மீனம் ராசிகள் வலுத்திருப்பதும் உகந்தது.
     உங்களுக்கு ஏழாம் வீட்டில் குரு, செவ்வாய், புதபகவான்கள் இருக்கிறார்கள். குருமங்கள யோகமும் சிறப்பாக அமைகிறது. சனிபகவான் தன் ராசிக்கு விரய ஸ்தானத்தில் மறைவு பெற்றிருந்தாலும் ஆட்சி பெற்றிருக்கிறார். அதோடு, பயணக்கிரகமான ராகுபகவானும் புதபகவானின் சாரத்திலும் புதபகவான் ராகுபகவானின் சாரத்திலும் அமர்ந்திருக்கிறார்கள். இது சாரபரிவர்த்தனை என்கிற அமைப்பில் வருகிறது. இதனால் புதபகவானின் தசை ராகுபகவானின் பலத்துடன் சேர்ந்து சுபமாக நடக்கும் என்றும் புரிந்துகொள்ள வேண்டும்.
     பொதுவாக, ஒரு தசையின் சுய புக்தி சுப பலன்களைத் தராது என்றும் முதல் ஒன்றரை ஆண்டுகளை தசா சந்தி காலம் என்று கருதி அந்த காலகட்டத்தில் முக்கிய முடிவுகளையும் புதிய முயற்சிகளையும் எடுக்கக் கூடாது என்று கூறுவது வழக்கம். உங்களுக்கு இந்த ஆண்டு செப்டம்பர் மாதம் வரையில் புதமகா தசையில் கேது புக்தி நடக்கும். இந்த கேது புக்தி முடிவதற்குள் மறுபடியும் நீங்கள் குடியுரிமை பெற்றிருக்கும் நாட்டில் வேலை செய்ய சென்று விடுவீர்கள். தொடர்வதும் தொழில் ஸ்தானாதிபதியான சுக்கிரபகவானின் புக்தியாக இருப்பதால் உத்தியோகத்தில் மிகவும் உன்னதமான நிலையை எட்டி விடுவீர்கள். இறுதிவரை வெளிநாட்டிலேயே வசிக்கும் ஜாதகம் என்று கூறலாம். பிரதி செவ்வாய்க்கிழமைகளில் துர்க்கையையும் பிரதி புதன்கிழமைகளில் ஸ்ரீராமபிரானையும் வழிபட்டு வரவும்.
     

ராசி பலன்கள்

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை