தேவையானவை:
வரகரிசி - 1 1/2 கிண்ணம்
பாசிப்பருப்பு - 1/2 கிண்ணம்
நெய் - 50 கிராம்
வெல்லம் - 3/4 கிண்ணம்
எண்ணெய் - 2 தேக்கரண்டி
முந்திரிப்பருப்பு - 10
காய்ந்த திராட்சை - 10
ஏலக்காய் - 4
உப்பு - தேவையான அளவு
தாளிக்க:
மிளகு, சீரகம், இஞ்சி துருவல், கறிவேப்பிலை - தலா 1 மேசைக்கரண்டி
செய்முறை:
பாசிப்பருப்பை வறுத்து அரிசியுடன் களைந்து குக்கரில் 1:4 விகிதத்தில் நீர்விட்டு குழைய வேக விடவும்.
இனிப்புப் பொங்கல்:
வெல்லத்தைக் கரைத்து வடிகட்டி, பாகு காய்ச்சி, அதனுடன் வேக வைத்த பொங்கலில் பாதியை எடுத்துக் கலந்து நெய்யில் முந்திரி, திராட்சை வறுத்துப் போட்டு, ஏலக்காய் தட்டிப் போட்டுக் கிளறி இறக்கவும்.
காரப் பொங்கல்: வாணலியில் எண்ணெய், நெய் விட்டு தாளிக்கக் கொடுத்துள்ளதைத் தாளித்து, வேக வைத்த மீதம் உள்ள பொங்கலில் கொட்டிக் கிளறவும். தேவையான உப்பு சேர்த்துக் கலந்து பரிமாறவும்.