கெய்ரோவில் உள்ள அமெரிக்கப் பல்கலைக்கழகத்தில் வியாபார நிர்வாகத்தில் பட்டம் பெற்ற ரானியா, ஒரு வங்கியில் பணியாற்றினார். அதன் பின்னர், ஆப்பிள் நிறுவனத்தில் பணியாற்றினார். 1993-ஆம் ஆண்டு ஜோர்டான் மன்னர் அப்துல்லா - 2 ஐ ஒரு விருந்து நிகழ்ச்சியில் சந்தித்தார். இருவருக்கும் காதல் மலர்ந்தது! திருமணம் செய்து கொண்டனர். 1999-ஆம் ஆண்டு மன்னர் அப்துல்லா - 2 ஜோர்டனின் அரசராகப் பதவியேற்றார். ரானியா ராணியாகப் பதவிப் பிரமாணம் செய்து வைக்கப்பட்டார். இன்று உலகம் முழுவதும் பயணிக்கும் ரானியா, டேவிட் கேமரூன், ஆஞ்சலா மெர்கல் உள்ளிட்ட பல பிரபலங்களைச் சந்திக்கிறார். இவரை சமூக வலைதளங்களில் 70 லட்சம் பேர் பின்பற்றுகின்றனர். ரானியாவின் அழகு மற்றும் பேஷன் குறிப்புகளுக்குத்தான் பல ரசிகர்கள் உள்ளனர். குழந்தைகள் தொடர்பான 4 புத்தகங்கள் எழுதியுள்ளார். ரானியாவுக்கு மிகவும் பிடித்த விஷயங்கள் இரண்டு. சினிமா மற்றும் பாப்கார்ன்.
- ராஜி