அங்கிள் ஆன்டெனா

கேள்வி:
பறக்கும் ஓணான் இருக்கிறதாமே? இறக்கை இல்லாமலேயே பறக்குமாமே? இது எங்கு காணப்படுகிறது? 

பதில்:
கன்னியாகுமரி முதல் கோவா வரை உள்ள தென்மேற்குப் பகுதியில் நீங்கள் கேட்ட இந்த வகை வினோத ஓணான் இனம் வசித்து வருகிறது. 
இந்த ஓணானின் முன்னங்கால்களில் விரிந்து சுருங்கும் இறக்கை போன்ற பாலித்தீன் ஜவ்வு அமைந்திருக்கிறது. இதை இறக்கையாகப் பயன்படுத்தி மரத்துக்கு மரம் அநாயாசமாகப் பறக்க இந்த ஓணானால் முடியும். இதன் மற்றொரு ஸ்பெஷாலிட்டி - எவ்வளவு உயரத்திலிருந்தும் கொஞ்சம்கூட அலட்டிக் கொள்ளாமல் ஹாயாகக் குதிப்பதுதான். பார்க்கப் பரவசமாக இருக்கும்.
இது ஒரு "ஜம்ப்' செய்தால் 70 அடி தூரம் வரை கூடப் பறக்கும்.
சரி, பறக்கும் வேலை முடிந்துவிட்டது. இனி தரையில் பயணம் செய்யலாம் என்று ஓணான் சார் முடிவெடுத்து விட்டார் என்றால் அந்த ஜவ்வை சுருட்டி வைத்துக்கொண்டு, தரைவாழ் ஓணான்களைப்போல சுறுசுறுப்பாக ஓட்டம் பிடிக்க ஆரம்பிப்பார். 

அடுத்த வாரக் கேள்வி
அரிபாடா அதிசயம் என்று சிலர் சொல்லக் கேள்விப்பட்டிருக்கிறோம்.  அதைப் பற்றிச் சொல்லுங்களேன்... 
பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம் நல்ல பதில் கிடைக்கும்.