பெங்களூரு: முன்னாள் மத்திய அமைச்சா் சீனிவாஸ் பிரசாத் உடல்நலக் குறைவால் திங்கள்கிழமை அதிகாலை காலமானாா்.
கா்நாடக மாநிலம், சாமராஜ் நகா் தொகுதி பாஜக எம்.பி.யும் முன்னாள் மத்திய அமைச்சருமான சீனிவாஸ் பிரசாத் (76), முதுமை சாா்ந்த உடல்நலக் குறைவால் பெங்களூரில் உள்ள மணிப்பால் மருத்துவமனையில் அனுமதிக்கப்பட்டிருந்தாா். அங்கு திங்கள்கிழமை அதிகாலை அவா் உயிரிழந்தாா்.
அவருக்கு மனைவி, மூன்று மகள்கள் உள்ளனா். சாமராஜ் நகா் தொகுதியில் இருந்து 6 முறை எம்.பி.யாகத் தோ்ந்தெடுக்கப்பட்ட சீனிவாஸ் பிரசாத், மைசூரு மாவட்டம், நஞ்சன்கூடு தொகுதி எம்எல்ஏவாக இருமுறை இருந்துள்ளாா். கடந்த மாா்ச் 18 ஆம் தேதி தனது 50 ஆண்டுகால முழு நேர அரசியலில் இருந்து ஓய்வு பெறுவதாக அவா் அறிவித்திருந்தாா்.
சீனிவாஸ் பிரசாத்தின் மறைவுக்கு முதல்வா் சித்தராமையா, துணை முதல்வா் டி.கே.சிவகுமாா், முன்னாள் முதல்வா்கள் எடியூரப்பா, எச்.டி.குமாரசாமி, பாஜக மாநிலத் தலைவா் விஜயேந்திரா உள்பட ஏராளமானோா் இரங்கல் தெரிவித்துள்ளனா்.
அவரது உடல் பெங்களூரில் இருந்து மைசூருக்கு கொண்டு செல்லப்பட்டு அவரது இல்லத்தில் பொதுமக்கள் அஞ்சலிக்காக வைக்கப்பட்டது. அங்கு சீனிவாஸ் பிரசாத் உடலுக்கு முதல்வா் சித்தராமையா, துணை முதல்வா் டி.கே.சிவகுமாா் ஆகியோா் அஞ்சலி செலுத்தினா். மைசூரில் செவ்வாய்க்கிழமை பௌத்த முறைபடி அவரது உடல் அடக்கம் செய்யப்படவுள்ளது.