தேர்தலில் வெற்றி பெற மஜதவினர் நடைபயணம்

சட்டப்பேரவைத் தேர்தலில் மஜத வெற்றி பெற்று குமாரசாமி முதல்வராக வேண்டி, அக் கட்சியின் இளைஞர் அணியினர்  பெங்களூரிலிருந்து மைசூரு சாமுண்டீஸ்வரி கோயிலுக்கு  நடைபயணம் மேற்கொண்டனர்.
மஜத இளைஞரணி செயலாளர் ராகேஷ் எம். தேஷேரல்லா தலைமையில் இந்த நடைபயணம் நடைபெற்றது. இதுகுறித்து செய்தியாளர்களிடம் அவர் கூறியது: மாநிலத்தில் குமாரசாமி தலைமையில் மஜத ஆட்சி நடைபெற்ற போது பல்வேறு நலத் திட்டங்கள் செயல்படுத்தப்பட்டன.
20 மாதங்கள் சிறந்த ஆட்சியை வழங்கிய குமாரசாமியை இன்றளவும் மக்கள் நினைத்து பார்க்கின்றனர். 
எனவே, சட்டப்பேரவைத் தேர்தலில் மஜத வெற்றி பெற்று குமாரசாமி முதல்வராக வேண்டி மஜத இளைஞர் அணிச் சார்பில் பெங்களூரிலிருந்து மைசூரு சாமுண்டீஸ்வரி கோயிலுக்கு நடைபயணம் மேற்கொண்டுள்ளோம். எங்கள் வேண்டுதலை மக்கள் நிறைவேற்றித் தருவார்கள் என்ற நம்பிக்கை உள்ளது என்றார்.