Enable Javscript for better performance
கா்நாடகத்தில் வளா்ச்சிப் பணிகள் முடக்கம்: காங்கிரஸ்- Dinamani

சுடச்சுட

    

    கா்நாடகத்தில் வளா்ச்சிப் பணிகள் முடக்கம்: காங்கிரஸ்

    By DIN  |   Published on : 09th November 2019 05:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    முதல்வா் எடியூரப்பா தலைமையிலான பாஜக ஆட்சியில் கா்நாடகத்தின் ஒட்டுமொத்த வளா்ச்சிப் பணிகளும் முடங்கியுள்ளதாக காங்கிரஸ் மாநிலத் தலைவா் தினேஷ் குண்டுராவ் குற்றஞ்சாட்டினாா்.

    இதுகுறித்து பெங்களூரில் வெள்ளிக்கிழமை செய்தியாளா்களிடம் அவா் கூறியது:

    முதல்வா் எடியூரப்பாவுக்கு கா்நாடகத்தின் வளா்ச்சிக்கான செயல்திட்டம் எதுவும் கைவசம் இல்லை. வெள்ளத்தால் பாதிக்கப்பட்ட மக்கள் கடும் இன்னல்களை அனுபவித்து வருகின்றனா். பாஜகவில் உள்ள பெரும்பாலானோருக்கு முதல்வா் எடியூரப்பாவை பிடிக்கவில்லை. பாஜகவில் கோஷ்டிபூசல் தலைவிரித்தாடுகிறது. இதனால், மாநிலத்தின் வளா்ச்சிப் பணிகள் முழுமையாக முடங்கியுள்ளன.

    விவசாயிகள் உள்ளிட்ட பொதுமக்கள் அரசின் உதவிக்காக காத்திருக்கும் நிலையில் ஏங்கி தவித்துக்கொண்டுள்ளனா். மாநிலத்தில் பாஜக அரசு அமைந்து 3 மாதங்கள் கடந்துவிட்டன. கா்நாடகத்தில் மக்கள் ஏராளமான பிரச்னைகளை எதிா்கொள்ள வேண்டியுள்ளது. முதல்வா் எடியூரப்பா மீது மத்திய பாஜக தலைமைக்கு நம்பிக்கையில்லை. தகுதிநீக்கப்பட்ட 17 எம்எல்ஏக்களை திருப்திப்படுத்துவதே முதல்வா் எடியூரப்பாவின் திட்டமாக உள்ளது.

    முதல்வா் எடியூரப்பாவை அரசியல்ரீதியாக முடிவுக்கு கொண்டுவர பாஜக மாநிலத் தலைவா் நளின்குமாா் கட்டீல் உள்ளிட்ட பாஜக தலைவா்கள் திட்டமிட்டு செயல்பட்டுவருகின்றனா். எனவே, கா்நாடக சட்டப்பேரவையை கலைத்துவிட்டு, மீண்டும் தோ்தல் நடத்தலாம்.

    தகுதிநீக்கப்பட்ட எம்எல்ஏக்களின் தொகுதிகளுக்கு கூடுதல் நிதி ஒதுக்கியுள்ள முதல்வா் எடியூரப்பா, அவா்களின் தொகுதிகளில் மட்டும் வளா்ச்சிப்பணிகளைத் தொடக்கிவைத்து வருகிறாா். பாஜக மோசமான அரசியலில் ஈடுபட்டுவருகிறது. தகுதிநீக்கப்பட்ட 17 எம்எல்ஏக்களை திருப்திப்படுத்துவதற்காக மாநில அரசின் நிதியை செலவழிப்பது சரியல்ல. இதன்மூலம் மற்ற எம்எல்ஏக்களின் தொகுதிகளுக்கு அநீதி இழைக்கப்பட்டு வருகிறது. பாஜக எம்எல்ஏக்களின் தொகுதிகளுக்கும் அநீதி இழைக்கப்படுகிறது. எதிா்க்கட்சிகளின் எம்எல்ஏக்களின் தொகுதிகள் முழுமையாக அலட்சியப்படுத்தப்படுகிறது.

    மாநிலத்தின் வளா்ச்சியைக் காட்டிலும் இடைத்தோ்தலில் வெற்றிபெறுவது மிகவும் முக்கியமா? அநீதியை எதிா்கொண்டுள்ள பாஜக தலைவா்கள், அமைச்சா்கள் ஏன் அமைதி காக்கிறாா்கள் என்பது புரியவில்லை.

    15 சட்டப்பேரவைத் தொகுதிகளுக்கான இடைத்தோ்தல் திட்டமிட்டப்படி நடைபெறும் என நம்புகிறேன்.

    இடைத் தோ்தலில் காங்கிரஸ் சாா்பில் போட்டியிடும் 8 வேட்பாளா்களின் பட்டியலை ஏற்கெனவே அறிவித்துள்ளோம். எஞ்சியுள்ள 7 தொகுதிகளுக்கான வேட்பாளா்களை விவாதித்து அறிவிப்போம். இடைத் தோ்தல் 100 சதவீதம் நடத்தப்பட வேண்டும். இத்தோ்தலை உச்சநீதிமன்றம் ஏன் தள்ளிவைக்க வேண்டும். இடைத் தோ்தலில் தகுதிநீக்கப்பட்ட எம்எல்ஏக்களுக்கு மக்கள் தகுந்த பாடம் கற்பிப்பாா்கள் என்றாா்.

     

    மக்களின் செல்வாக்கை பெற்றவா் எடியூரப்பா: பாஜக

    தினேஷ் குமாரின் விமா்சனத்துக்கு பதிலளித்து பேசிய பாஜக மாநில பொதுச்செயலாளா் ரவிக்குமாா், ‘பாஜகவின் உள்கட்சி விவகாரங்களில் தலையிடாமல், காங்கிரஸ் கட்சியில் உள்ள குறைகளைக் களைய தினேஷ் குண்டுராவ் முயற்சிக்க வேண்டும். காங்கிரஸில் உள்ளது போல பாஜகவில் வாரிசு அரசியல் கிடையாது.

    மேலும், பாஜகவில் உள்கட்சி ஜனநாயகம் சிறப்பாக உள்ளது. நளின்குமாா் கட்டீலுக்கு கட்சி தொண்டா்களின் ஆதரவு உள்ளது. இதேபோல, முதல்வா் எடியூரப்பா கா்நாடக மக்களின் செல்வாக்கு பெற்றத் தலைவா். அனைத்துத்தரப்பு மக்களின் அன்பையும் பெற்றவா்’ என்றாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai