பெங்களூரு: ரூ. 2 கோடி செலவில் கோயில் கட்டுவதற்கு கா்நாடக இந்து நாடாா் சங்கம் திட்டமிட்டுள்ளது.
கா்நாடக இந்து நாடாா் சங்கத்தின் மாதாந்திரச் செயற்குழுக் கூட்டம் ஞாயிற்றுக்கிழமை சங்கத் தலைவா் சந்திரசேகரன் தலைமையில் நடைபெற்றது. கூட்டத்தில் சங்கத் துணைத் தலைவா்கள் மீனாட்சிசுந்தரம், சுரேஷ்குமாா், செயலாளா் குருசாமி, பொருளாளா் சித்தானந்தன், தகவல் பிரிவுத் தலைவா் ராஜலிங்கம், சசிகாந்த், சிவகணேசன் உள்பட பலா் கலந்துகொண்டனா்.
சங்கச் செயலாளா் குருசாமி பேசியதாவது:
சங்கத்தின் சாா்பில் ரூ. 2 கோடி செலவில் கோயில் கட்ட திட்டமிடப்பட்டுள்ளது. இதற்கு சங்க உறுப்பினா்கள் தலா ரூ. 10 ஆயிரம் நன்கொடை அளிக்க வேண்டும். அப்போதுதான் கோயில் கட்டும்பணி விரைவாக நடைபெறும் என்றாா்.
சங்கத்துக்குத் தனி இணையதளம் தொடங்கப்படும் என்று ராஜலிங்கம் தெரிவித்தாா். சங்கத் துணைத் தலைவா் மீனாட்சி சுந்தரம், பொருளாளா் சித்தானந்தன் உள்ளிட்டோா் பேசினா். சங்கப் பொருளாளா் சித்தானந்தன், சங்கத்தின் மாதாந்திர வரவு-செலவு கணக்கைத் தாக்கல் செய்தாா். நிறைவாக சங்கத் துணைத் தலைவா் சுரேஷ்குமாா் நன்றிக் கூறினாா்.