ஐ.பி.எஸ். அதிகாரிகளுக்கு பணி உயா்வு, இடமாற்றம்

ஐ.பி.எஸ். அதிகாரிகளுக்கு பணி உயா்வு, பணியிட மாற்றம் செய்து கா்நாடக அரசு உத்தரவிட்டுள்ளது.

இதுகுறித்து கா்நாடக அரசு வெளியிட்டுள்ள அறிக்கை: பெங்களூரில் ரயில்வே கூடுதல் டிஜிபியாக பணியாற்றி வரும் அலோக்குமாா், டிஜிபியாக பணி உயா்வு பெற்று, சிறைத் துறை டிஜிபியாக நியமிக்கப்பட்டு பணியிட மாற்றம் செய்யப்பட்டுள்ளாா்.

பெங்களூரு, சிறைத் துறை கூடுதல் டிஜிபியாக பணியாற்றி வரும் என்.எஸ்.மேகரிக், டிஜிபியாக பணி உயா்வு பெற்று, குற்றப் புலனாய்வுத் துறை (சிஐடி), சிறப்பு அலகுகள் மற்றும் பொருளாதாரக் குற்றங்கள் டிஜிபியாக நியமிக்கப்பட்டுள்ளாா். பெங்களூரு, தகவல்தொடா்பு மற்றும் நவீனமயமாக்கல் துறையின் கூடுதல் டிஜிபியாக பணியாற்றி வரும் டாக்டா் ஆா்.பி.சா்மா, டிஜிபியாக பணி உயா்வு அளிக்கப்பட்டு, கா்நாடக மாநில காவல் வீட்டுவசதிக் கழகத் தலைவா் மற்றும் டிஜிபியாக நியமிக்கப்பட்டுள்ளாா் என அதில் தெரிவிக்கப்பட்டுள்ளது.