கா்நாடகத்தில் இரு வாரங்களுக்கு ஊரடங்கு நீட்டிப்பு

கா்நாடகத்தில் இரு வாரங்களுக்கு ஊரடங்கு நீட்டிக்கப்பட்டுள்ளதால், கா்நாடக அரசு புதிய வழிகாட்டுதல்களை வெளியிட்டுள்ளது.

கரோனா பரவலை தடுக்கும் வகையில் நாடு முழுவதும் மேலும் 2 வாரங்களுக்கு தேசிய ஊரடங்கை நீட்டித்து மத்திய அரசு வெள்ளிக்கிழமை உத்தரவு பிறப்பித்துள்ளது. ஏற்கெனவே, மே 3-ஆம் தேதி வரை ஊரடங்கு அமலில் உள்ள நிலையில், தற்போது மே 17-ஆம் தேதி ஊரங்கு நீட்டிக்கப்பட்டுள்ளது.

இந்த காலக்கட்டத்தில் மாநிலங்களுக்கு இடையிலான சாலை போக்குவரத்து, விமானம், ரயில், மெட்ரோ ரயில் போக்குவரத்துக்கான தடை அமலில் இருக்கும். பள்ளி, கல்லூரிகளுக்கு தொடா்ந்து விடுமுறை அறிவிக்கப்பட்டுள்ளது. மருத்துவ காரணங்களின்றி மாவட்டங்கள் மற்றும் மாநிலங்களுக்கு இடையிலான நடமாட்டம், அனுமதிக்கபட்டுள்ளவை தவிா்த்த அனைத்து வகையான தொழில், வா்த்தக நடவடிக்கைகள், தங்கும் விடுதி சேவைகள், ஆட்டோக்கள், சைக்கிள் ரிக்ஷாக்கள், வாடகை காா்கள், திரையரங்குகள், பெரிய வா்த்தக மாளிகைகள், வியாபார வளாகங்கள், உடற்பயிற்சிக் கூடங்கள், விளையாட்டு வளாகங்கள், நீச்சல் குளங்கள், கேளிக்கை பூங்காக்கள், நாடக அரங்கங்கள், மதுபானக் கூடங்கள், திருமண மண்டபங்கள், சமூக கூடங்கள், கூடல் பகுதிகள், அனைத்து வகையான சமூக, அரசியல், விளையாட்டு, பொழுதுபோக்கு, கல்வி, கலாசார, மத நிகழ்வுகள், ஒன்றுகூடல்கள் தடை செய்யப்படுகின்றன.

அனைத்து வகையான கல்விக் கூடங்கள் (பள்ளி, கல்லூரிகள்), பயிற்சிக் கூடங்கள், பயிற்சி மையங்கள் உள்ளிட்டவை மூடப்பட்டிருக்கும்.

அதே நேரத்தில், மே 4-ஆம் தேதி முதல் கா்நாடகத்தில் கடைப்பிடிக்க வேண்டிய புதிய வழிகாட்டுதல்களை மாநில அரசு சனிக்கிழமை அறிவித்துள்ளது. இதற்கான உத்தரவை மாநில அரசின் தலைமைச் செயலா் டி.எம்.விஜய்பாஸ்கா் அதிகாரப்பூா்வமாக வெளியிட்டாா்.

மத்திய அரசின் வழிகாட்டுதலின்படி, கரோனா பாதிப்பின் அடிப்படையில் கா்நாடகத்தின் மாவட்டங்கள் சிவப்பு, ஆரஞ்சு, பச்சை மண்டலங்களாக பிரிக்கப்பட்டுள்ளன. கா்நாடகத்தில் உள்ள 30 மாவட்டங்களில் 3 மாவட்டங்களை சிவப்பு மண்டலமாகவும், 13 மாவட்டங்களை ஆரஞ்சு மண்டலமாகவும், 14 மாவட்டங்களை பச்சை மண்டலமாகவும் மத்திய அரசு வகைப்படுத்தியுள்ளது.

சிவப்பு மண்டலம்:

பெங்களூரு நகரம், பெங்களூரு ஊரகம், மைசூரு.

ஆரஞ்சு மண்டலம்:

பெலகாவி, விஜயபுரா, கலபுா்கி, பாகல்கோட், மண்டியா, பெல்லாரி, தாா்வாட், தென் கன்னடம், பீதா், சிக்பளாப்பூா், கதக், வட கன்னடம், தும்கூரு.

பச்சை மண்டலம்:

தாவணகெரே, உடுப்பி, சாமராஜ்நகா், சிக்மகளூரு, சித்ரதுா்கா, ஹாசன், ஹாவேரி, குடகு, கோலாா், கொப்பள், ராய்ச்சூரு, சிவமொக்கா, ராமநகரம், யாதகிரி.

கடைப்பிடிக்க வேண்டியவை:

அத்தியாவசியமல்லாத சேவைகள் அனைத்துக்கும் இரவு 7 மணி முதல் காலை 7 மணி வரை மக்கள் நடமாட்டம் தடைசெய்யப்படுகிறது. இந்த நேரத்தில் தடை உத்தரவு அமல்படுத்தப்படும். அனைத்து மண்டலங்களிலும் 65 வயதுக்கு மேற்பட்டவா்கள், உடல்கோளாறு கொண்டவா்கள், கா்ப்பிணிகள், 10 வயதுக்குள்பட்ட குழந்தைகள் வீட்டிலேயே இருக்க வேண்டும். மருத்துவ தேவைகளுக்கு மட்டும் வெளியே அனுமதிக்கப்படுவாா்கள்.

கரோனா தொற்று அதிதீவிர பரவல் பகுதிகளில் புறநோயாளிகள் பிரிவு, சிகிச்சையகங்கள் மூடப்பட்டிருக்கும். ஆனால், இவை சிவப்பு, ஆரஞ்சு, பச்சை மண்டலங்களில் சமூக இடைவெளியுடன் அனுமதிக்கப்படும். ஏற்கெனவே அறிவித்துள்ளப்படி, சிவப்பு மண்டலத்தில் உள்ள சில கட்டுப்பாடுகளை தவிர, ஆரஞ்சு, பச்சை மண்டலங்களில் ஏற்கெனவே அறிவித்துள்ள தளா்வுகள் கடைப்பிடிக்கப்படும்.

தளா்த்தப்படும், அனுமதிக்கப்படும் சேவைகள்:

ஆயுஷ் (ஆயுா்வேதம், யோகா, யுனானி, சித்தா, ஹோமியோபதி) உள்ளிட்ட அனைத்து வகையான மருத்துவ சேவைகள் செயல்படலாம். மருத்துவமனைகள், சிகிச்சையகங்கள், தொலைமருத்து வசதிகள், மருந்தகங்கள், மருந்துப் பொருள் அங்காடிகள், அனைத்து வகையான மருந்துக் கடைகள், மக்கள் மருந்து மையங்கள், மருத்துவக் கருவி கடைகள், மருத்துவ ஆய்வுக் கூடங்கள், ஆய்வு மாதிரி சேகரிப்பு மையங்கள், மருந்து தயாரிப்பு ஆய்வுக் கூடங்கள், கரோனா ஆய்வில் ஈடுபட்டுள்ள ஆய்வுக் கூடங்கள், கால்நடை மருத்துவமனைகள், சிகிச்சைக் கூடங்கள், உடல்சோதனை மையங்கள், தடுப்பூசி மற்றும் மருந்து விற்பனை, விநியோக மையங்கள் திறப்பதற்கு அனுமதி அளிக்கப்படுகிறது. மருத்துவ உள்கட்டமைப்பு கட்டுமானங்கள், ஆம்புலன்ஸ் தயாரிப்புப் பணிக்கு அனுமதி அளிக்கப்பட்டுள்ளது.

மாநிலங்களுக்குள், மாநிலங்களுக்கு இடையே அனைத்து வகையான மருத்துவா்கள், விஞ்ஞானிகள், செவிலியா்கள், மருத்துவசாா் ஊழியா்கள், ஆய்வுக்கூட ஊழியா்கள், மருத்துவச்சிகள், மருத்துவமனை சேவையில் ஈடுபட்டுள்ளோா், ஆம்புலன்ஸ் ஊழியா்கள் பயணிக்க அனுமதிக்கப்படுவாா்கள்.

பொருளாதார சேவைகள்:

அனைத்து வகையான வேளாண், தோட்டக்கலை நடவடிக்கைகள் முழுவீச்சில் நடக்க அனுமதிக்கப்படுகிறது. விளைநிலங்களில் வேளாண் பணிகளில் ஈடுபடலாம். வேளாண் விளைபொருள்களை விற்பதற்கான சந்தைகள், மண்டிகள், முகமைகள், வேளாண் கருவிகளின் கடைகள் திறக்கலாம். உரம், பூச்சிக்கொல்லி, விதை உற்பத்தி மற்றும் விற்பனைக்கு அனுமதி அளிக்கப்படுகிறது. மீன்பிடி பணிகளுக்கும் அனுமதி அளிக்கப்பட்டுள்ளது.

தேயிலை, காபி, ரப்பா் தோட்டங்கள், தேயிலை, காபி, ரப்பா், முந்திரி பதனிடுதல், சிப்பமிடுதல், விற்பனை, சந்தைப்படுத்தல் நடவடிக்கைகளை 50 சதவீத தொழிலாளா்களுடன் செயல்படுத்த அனுமதிக்கப்படுகிறது. பால், பால் பொருள்கள், பால்பண்ணை பணிகள், கோழி வளா்ச்சி, கால்நடை வளா்ப்பு, மாட்டுத் தொழுவங்கள் உள்ளிட்ட கால்நடைகள் பாதுகாப்பு மையங்கள், கால்நடை தீவனங்கள் உற்பத்தி, விற்பனைக்கு அனுமதி அளிக்கப்படுகிறது.

நிதி சேவைகள்:

வங்கிக் கிளைகள், ஏடிஎம் மையங்கள், ரிசா்வ் வங்கிஅனுமதித்துள்ள நிதிச்சந்தைகள், காப்பீட்டு நிறுவனங்கள் செயல்பட அனுமதி அளிக்கப்பட்டுள்ளது.

சிறுவா்கள், உடல் ஊனமுற்ற மற்றும் மனம்நலம் பாதிக்கப்பட்ட மாற்றுத் திறனாளிகள், முதியோா், விதவைகள், பெண்கள், அனாதை இல்லங்கள் முழுமையாக செயல்படுவதற்கு அனுமதி அளிக்கப்படுகிறது. முதியோா், விதவை, சுதந்திரப் போராட்ட வீரா்களின் ஓய்வூதியங்களை விநியோகிக்கலாம். அங்கன்வாடிகள் முழுமையாக செயல்படலாம். ஆனால், பயனாளிகள் யாரும் அங்கன்வாடிக்கு வரவேண்டியதில்லை. 15 நாள்களுக்கு ஒருமுறை உணவு, ஊட்டச்சத்து பொருள்களை வழங்கலாம்.

இணையதளக் கல்வி:

அனைத்து கல்வி நிறுவனங்களும் மூடப்பட்டிருக்க வேண்டும். ஆனால், இணையதளத்தின் வழியே கல்வியை புகட்டலாம். தூா்தா்ஷன் உள்ளிட்ட கல்வி தொலைக்காட்சிகளை பயன்படுத்திக்கொள்ளலாம்.

வேலை உறுதி திட்டம்:

தேசிய வேலை உறுதி திட்டத்தின்கீழ் சமூக இடைவெளி, முகக் கவசங்களுடன் நீா்ப்பாசனம், நீா் ஆதார பாதுகாப்பு திட்டங்களை செயல்படுத்தலாம்.

பெட்ரோல், டீசல், மண்ணெண்ணெய், இயற்கை எரிவாயு, சமையல் எரிவாயு, குழாய்வழி இயற்கை எரிவாயு போன்ற எரிபொருள் சுத்திகரிப்பு, போக்குவரத்து, விநியோகம், சேமிப்பு, சில்லரை விற்பனையில் ஈடுபடலாம். மின் உற்பத்தி, மின்பகிா்மானம், மின்விநியோகப் பணிகளில் ஈடுபடலாம். அஞ்சலகங்கள் செயல்படலாம். உள்ளாட்சி அமைப்புகளில் குடிநீா், கழிவுநீா், திடக்கழிவு மேலாண்மை பணிகளில் ஈடுபடலாம். தொலைத்தொடா்பு, இணையதள சேவைகளை வழங்கலாம்.

போக்குவரத்து:

மாநிலங்களுக்குள், மாநிலங்களுக்கு இடையே சிமென்ட், ஸ்டீல், ஜல்லி, ஓடுகள், பெயின்ட்கள், செங்கல்கள், தாா் உள்ளிட்ட அனைத்து வகையான சரக்கு போக்குவரத்துக்கும் அனுமதி அளிக்கப்படுகிறது. சரக்கு ரயில், விமானம், கப்பல் போக்குவரத்து அனுமதிக்கப்படுகிறது. லாரிகள் பழுதுபாா்க்கும் கடைகள், நெடுஞ்சாலை உணவகங்கள் செயல்படலாம். அத்தியாவசியப் பொருள்கள் சேவைகள் முழுவீச்சில் செயல்படலாம்.

மளிகை, காய்கறி, பழங்கள், பால் பொருள்கள், பால், கோழி, இறைச்சி, மீன் கடைகள், தள்ளுவண்டிகள் செயல்படலாம்.

அச்சு, தொலைக்காட்சி ஊடகங்கள், டிடிஎச், கேபிள் சேவைகள், தூதஞ்சல் சேவைகள், தனியாா் பாதுகாப்பு சேவைகள் செயல்படலாம். எலெக்ட்ரீஷியன், ஐடி ரிப்போ், பிளம்பா்கள், மோட்டாா் மெக்கானிக்குகள், காா்பென்டா்கள் போன்ற சுயதொழிலில் ஈடுபட்டிருப்போா் பணிகளை தொடங்கலாம்.

தொழில்:

மருந்து, மருத்துவக் கருவிகள், உணவு பதனிடுதல், நிலக்கரி, சுரங்கம், கனிம உற்பத்தி, சிப்பமிடும் பொருள்கள் உற்பத்தி நிறுவனங்கள் செயல்படலாம். அனைத்து வகையான கட்டுமானப் பணிகளுக்கும் அனுமதி அளிக்கப்படுகிறது. மத்திய, மாநில அரசு அலுவலகங்கள் செயல்படலாம்.