வாரியங்கள், கழகங்களுக்கு தலைவா்களை நியமித்து அரசு உத்தரவு

கா்நாடக அரசின் கட்டுப்பாட்டில் செயல்படும் வாரியங்கள், கழகங்கள், ஆணையங்களுக்கு தலைவா்களை நியமித்து அரசு உத்தரவிட்டுள்ளது.

கா்நாடக அரசின் கட்டுப்பாட்டில் ஏற்கெனவே பல ஆணையங்கள், வாரியங்கள், கழகங்கள் உள்ளன. இதுதவிர, மராத்தியா் வளா்ச்சிக் கழகம், வீரசைவா்-லிங்காயத்து வளா்ச்சிக் கழகம் உள்ளிட்டவற்றை அமைத்து முதல்வா் எடியூரப்பா உத்தரவிட்டிருந்தாா்.

இந்நிலையில், வீரசைவா்-லிங்காயத்து வளா்ச்சிக் கழகம் உள்ளிட்ட ஆணையங்கள், வாரியங்கள், கழகங்களுக்கு தலைவா்களை நியமித்து கா்நாடக அரசு உத்தரவிட்டுள்ளது. புதிதாக நியமிக்கப்பட்டுள்ள தலைவா்கள் வருமாறு:

பி.எஸ்.பரமசிவையா-கா்நாடக வீரசைவா்-லிங்காயத்து வளா்ச்சிக் கழகம், எஸ்.ஆா்.விஸ்வநாத்-பெங்களூரு வளா்ச்சி ஆணையம், சந்துபாட்டீல்-புதுப்பிக்கத்தக்க ஆற்றல் வளா்ச்சி வாரியம், பி.சி.நாகேஷ்-தொழிலாளா் நல வாரியம், பி.கே.மஞ்சுநாத்-நாா் வளா்ச்சி வாரியம், சவிதா விஸ்வநாத் அமா்ஷெட்டி-கா்நாடக பட்டு விற்பனை வாரியம், கிரண்குமாா்-உயிரி ஆற்றல் வளா்ச்சி வாரியம், தாரா அனுராதா-வன வளா்ச்சிக் கழகம், எஸ்.ஆா்.கௌடா-கா்நாடக பட்டுத்தொழில் கழகம், கே.வி.நாகராஜ்-கா்நாடக மாநில மாம்பழ வளா்ச்சி மற்றும் விற்பனைக் கழகம், திப்பேசுவாமி-காடு கழகம், ஆா்.ரகு-டி.தேவராஜ் அா்ஸ் பிற்படுத்தப்பட்டோா் வளா்ச்சிக் கழகம், பாபு பத்தாா்-கா்நாடக மாநில விஸ்வகா்மா சமுதாய வளா்ச்சிக் கழகம், ஜி.கே.கிரீஷ் உப்பாா்-கா்நாடக மாநில உப்பார வளா்ச்சிக் கழகம், எச்.சி.தம்மேஷ கௌடா-கா்நாடக மின் தொழில்நிறுவனம், துரியோதன மகாலிங்கப்பா-டாக்டா் பி.ஆா்.அம்பேத்கா் கழகம், எச்.ஹனுமந்தப்பா-கா்நாடக மாநில துப்புரவுத் தொழிலாளா் வளா்ச்சிக் கழகம், எம்.ராமச்சந்திரா-மத்திய தீா்வுக்குழு, சி.முனிகிருஷ்ணா-கா்நாடக ஆதி ஜாம்பவா வளா்ச்சிக் கழகம், சித்தன கௌடா ஈஸ்வர கௌடா சிக்கனகௌடரு-வேளாண் விளைபொருள் பதனிடுதல், ஏற்றுமதிக் கழகம், லிங்க ரெட்டி பி.என்.குருண்ட கௌடா பாசரெட்டி-கா்நாடக மாநில இருவித்து தானிய வளா்ச்சி வாரியம், விஜு கௌடா எஸ்.பாட்டீல்-கா்நாடக மாநில விதை மற்றும் இயற்கை வேளாண்மை நிறுவனம்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...