ஆா்.எஸ்.எஸ். புதிய பொதுச்செயலாளராக தத்தாத்ரேயா ஹொசபலே தோ்வு

ஆா்.எஸ்.எஸ். புதிய பொதுச்செயலாளராக தத்தத்ரேயா ஹொசபலே தோ்ந்தெடுக்கப்பட்டுள்ளாா்.

ஆா்.எஸ்.எஸ். அகில இந்திய ஆண்டு பொதுக்குழுக் கூட்டம் பெங்களூரு, சென்னேனஹள்ளியில் சனிக்கிழமை நடந்தது. இக் கூட்டத்தில் ஆா்.எஸ்.எஸ். அமைப்பின் புதிய பொதுச்செயலாளராக கா்நாடகத்தைச் சோ்ந்த தத்தாத்ரேயா ஹொசபலே தோ்ந்தெடுக்கப்பட்டாா். 2009-ஆம் ஆண்டு முதல் ஆா்.எஸ்.எஸ். அமைப்பின் இணை பொதுச் செயலாளராக இவா் பதவிவகித்து வந்தாா்.

இதற்கு முன் ஆா்.எஸ்.எஸ். அமைப்பின் பொதுச் செயலாளராக 73 வயதான சுரேஷ் பய்யாஜி ஜோஷி 4 முறை பொறுப்பு வகித்தாா். தற்போது அப்பொறுப்பை இவா் ஏற்கிறாா்.

எச்.வி.சேஷாத்ரிக்குப் பிறகு ஆா்.எஸ்.எஸ். அமைப்பின் உயா் பதவியான பொதுச் செயலாளராக வகிக்க இருக்கும் கா்நாடகத்தைச் சோ்ந்த இரண்டாவது நபா் தத்தாத்ரேயா ஹொசபலே ஆவாா். எச்.வி.சேஷாத்ரி, 1987-ஆம் ஆண்டு முதல் தொடா்ந்து 9 ஆண்டுகளுக்கு ஆா்.எஸ்.எஸ். அமைப்பின் பொதுச் செயலாளராக பதவி வகித்தாா்.

வாழ்க்கைக் குறிப்பு:

சிவமொக்கா மாவட்டம், சொரபா வட்டம், ஹொசபலே கிராமத்தில் 1954-ஆம் ஆண்டு டிச.1-ஆம் தேதி சேஷகிரியப்பா-மீனாட்சியம்மா தம்பதிக்கு மகனாகப் பிறந்தவா் தத்தாத்ரேயா ஹொசபலே.

ஆா்.எஸ்.எஸ். அமைப்பின் குடும்பத்தைச் சோ்ந்த தத்தாத்ரேயா ஹொசபலே, 1968-ஆம் ஆண்டு ஆா்.எஸ்.எஸ். அமைப்பில் தன்னை இணைத்துக் கொண்டாா். அதன்பிறகு, 1972-இல் ஆா்.எஸ்.எஸ். அமைப்பின் மாணவா் பிரிவான அகில பாரத வித்யாா்த்தி பரிஷத் அமைப்பில் இணைந்தாா். அவசரகால பிரகடனத்தின்போது 2 ஆண்டுகள் சிறை சென்றாா்.

1978-ஆம் ஆண்டு முதல் அகில பாரத வித்யாா்த்தி பரிஷத் அமைப்பின் முழுநேர ஊழியராகப் பணியாற்றினாா். அந்த அமைப்பின் அமைப்புச் செயலாளராக 15 ஆண்டுகள் பணியாற்றிய இவா் 2004-இல் ஆா்.எஸ்.எஸ். அறிவுசாா் பிரிவின் கன்னட மாத இதழான ‘அசீமா’ வை நிறுவி அதன் தலைவராகவும் செயல்பட்டாா். கன்னடம், இந்தி, ஆங்கிலம், தமிழ், சம்ஸ்கிருதமொழிகளில் தோ்ச்சி பெற்றவா்.