ஆக்கிரமிப்பு செய்யப்பட்ட ரூ. 80 கோடி மதிப்பிலான நிலம் மீட்பு
By DIN | Published On : 21st August 2021 02:25 AM | Last Updated : 21st August 2021 02:25 AM | அ+அ அ- |
ஆக்கிரமிப்பு செய்யப்பட்ட மைசூரு நகா்ப்புற மேம்பாட்டு ஆணையத்திற்கு (மூடா) சொந்தமான ரூ. 80 கோடி மதிப்பிலான நிலம் மீட்கப்பட்டுள்ளது.
இதுகுறித்து மூடா வெளியிட்டுள்ள செய்திக் குறிப்பு: மைசூரில் அரசு சாா்பில் இல்லங்களைக் கட்டி தருவதும், நிலங்களில் வீட்டுமனைகளை உருவாக்கி, அதனை பயனாளிகளுக்கு அளிக்கும் பணியை மூடா செய்து வருகிறது. இந்த நிலையில் மூடாவிற்கு சொந்தமான சுமாா் 8 ஏக்கா் 31 குன்டா நிலத்தை சிலா் ஆக்கிரமிப்பு செய்திருந்தனா். இதுகுறித்து தகவல் அறிந்த மூடா அதிகாரிகள் சம்பவ இடத்திற்கு வியாழக்கிழமை சென்று ஆக்கிரமிப்பு செய்யப்பட்ட 8 ஏக்கா் 31 குன்டா நிலத்தை மீட்டனா்.
