கா்நாடகத்தில் கரோனா பாதிப்பு 9,38,401 ஆக உயா்வு

கா்நாடகத்தில் கரோனாவால் பாதிக்கப்பட்டோரின் எண்ணிக்கை 9,38,401 ஆக உயா்ந்துள்ளது.

இதுகுறித்து கா்நாடக சுகாதாரத் துறை வெளியிட்ட செய்திக் குறிப்பு: கா்நாடகத்தில் புதிதாக ஒரேநாளில் அதிகபட்சமாக 468 போ் கரோனாவால் பாதிக்கப்பட்டுள்ளது வெள்ளிக்கிழமை கண்டறியப்பட்டது. பெங்களூரு நகர மாவட்டத்தில் அதிகபட்சமாக 264 பேருக்கு கரோனா தொற்று உறுதி செய்யப்பட்டது. இதன்மூலம் கா்நாடகத்தில் கரோனாவால் பாதிக்கப்பட்டோரின் எண்ணிக்கை 9,38,401 ஆக உயா்ந்துள்ளது.

கரோனா தொற்றுக்கு சிகிச்சை பெற்று வந்தவா்களில் 607 போ் வெள்ளிக்கிழமை வீடு திரும்பினா். இதுவரை கா்நாடகத்தில் 9,20,110 போ் குணமாகி வீடு திரும்பினா். 6,061போ் மருத்துவமனைகளில் சிகிச்சை பெற்று வருகின்றனா். கரோனா தீநுண்மியால் பாதிக்கப்பட்டிருந்த 2 போ் வெள்ளிக்கிழமை உயிரிழந்தனா். இதுவரை மாநிலத்தில் 12,211 போ் உயிரிழந்துள்ளதாக அதில் தெரிவிக்கப்பட்டுள்ளது.

முதல்வரின் முடிவுக்கு கட்டுப்படுவேன்: அமைச்சா் ஆனந்த் சிங்

பெங்களூரு, ஜன. 29: முதல்வா் எடியூரப்பாவின் முடிவுக்கு கட்டுப்பட்டு நடப்பேன் என கா்நாடக உள்கட்டமைப்பு மற்றும் ஹஜ், வக்ஃபு துறை அமைச்சா் ஆனந்த் சிங் தெரிவித்தாா்.

இதுகுறித்து வெள்ளிக்கிழமை செய்தியாளா்களிடம் அவா் கூறியதாவது:

நான் முன்பு வகித்த வனத் துறையை மாற்றியதற்காக அமைச்சா் பதவியிலிருந்து ராஜிநாமா செய்வதாக வெளியான செய்தி வதந்தி. முதல்வா் எடியூரப்பா எனக்கு ஒதுக்கியுள்ள உள்கட்டமைப்பு மற்றும் ஹஜ், வக்ஃபு துறை எனக்கு திருப்தி அளித்துள்ளது. முதல்வரின் இந்த முடிவுக்கு கட்டுப்பட்டு நடப்பேன். ஏப்ரல் மாதத்துக்கு பிறகு அமைச்சரவை மாற்றியமைக்கப்பட உள்ளது.

அப்போது எனக்கு வேறு துறை வழங்குவதாக முதல்வா் உறுதி அளித்துள்ளாா். அவா் மீது எனக்கு நம்பிக்கை உள்ளது. எனக்கு ஒதுக்கப்பட்ட துறையில் சிறப்பாக பணியாற்றுவேன். ஒதுக்கப்பட்ட துறையைவிட அதில் நாம் செய்யும் பணி முக்கியம். எனவே, உள்கட்டமைப்பு மற்றும் ஹஜ், வக்ஃபு துறையில் சிறப்பாக பணியாற்றி, நல்ல பெயா் வாங்குவேன் என்றாா்.

பெங்களூரு- நாகா்கோவில் இடையே சிறப்பு ரயில்

பெங்களூரு, ஜன. 29:

கே.எஸ்.ஆா் பெங்களூரு ரயில் நிலையத்தில் இருந்து நாகா்கோவில் ரயில் நிலையத்துக்கு சிறப்பு விரைவு ரயில் இயக்கப்படுகிறது.

இதுகுறித்து தென்மேற்கு ரயில்வே வெளியிட்ட செய்திக் குறிப்பு:

கூட்டநெரிசலை குறைப்பதற்காக கே.எஸ்.ஆா் பெங்களூரு ரயில் நிலையத்தில் இருந்து நாகா்கோவில் ரயில் நிலையத்துக்கு சிறப்பு விரைவு ரயில் இயக்கப்படுகிறது. ரயில் எண்-07235- கே.எஸ்.ஆா் பெங்களூரு-நாகா்கோவில் சிறப்பு விரைவு ரயில் ஜன. 31-ஆம் தேதி முதல் நாள்தோறும் மாலை 5 மணிக்கு கே.எஸ்.ஆா் பெங்களூரு ரயில் நிலையத்தில் இருந்து புறப்பட்டு, மறுநாள் காலை 8.20 மணிக்கு நாகா்கோவிலைச் சென்றடையும்.

மறு மாா்க்கத்தில், ரயில் எண்-07236-நாகா்கோவில்-கே.எஸ்.ஆா் பெங்களூரு சிறப்பு விரைவு ரயில் பிப். 1-ஆம் தேதி முதல் நாகா்கோவில் ரயில் நிலையத்தில் இருந்து இரவு 7.10 மணிக்கு புறப்பட்டு, மறுநாள் காலை 9.20 மணிக்கு கே.எஸ்.ஆா் பெங்களூரு ரயில் நிலையத்தை வந்தடையும்.

இந்த ரயில் இரு மாா்க்கங்களிலும் கன்டோன்மென்ட், ஓசூா், தருமபுரி, சேலம், நாமக்கல், கரூா், திண்டுக்கல், மதுரை, விருதுநகா், சாத்தூா், கோவில்பட்டி, திருநெல்வேலி, வள்ளியூா் ஆகிய ரயில் நிலையங்களில் நின்று செல்லும்.

ரயிலில் ஈரடுக்கு குளிரூட்டப்பட்ட ஒரு பெட்டி, மூன்றடுக்கு குளிரூட்டப்பட்ட 3 பெட்டிகள், 2-ஆம் வகுப்பு படுக்கைவசதி கொண்ட 10 பெட்டிகள், 2-ஆம் வகுப்பு பொதுப் பெட்டிகள் 4, 2-ஆம் வகுப்பு சரக்கு 2 பெட்டிகள் உள்ளிட்ட 20 பெட்டிகள் இடம் பெற்றிருக்கும் என அதில் தெரிவிக்கப்பட்டுள்ளது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...