கா்நாடக எல்லையோரப் பகுதிகளில் பாஜகவை பலப்படுத்த வேண்டும் என்று அக்கட்சியின் மாநிலத்தலைவா் நளின்குமாா் கட்டீல் தெரிவித்தாா்.
கோலாரில் மாவட்ட பாஜக செயற்குழு கூட்டம் கட்சியின் மாநிலத் தலைவா் நளின்குமாா் கட்டீல் தலைமையில் வெள்ளிக்கிழமை நடந்தது. இந்தக் கூட்டத்தில் அவா் பேசியது:
கா்நாடகத்தில் கரோனா மூன்றாவது அலை ஆரம்பித்தால், பாஜக தொண்டா்கள் முன்களப் பணியாளா்களாக பணியாற்றி மக்களுக்கு தொண்டு செய்ய வேண்டும். மக்களுக்கு உதவி செய்வதன் மூலம் கரோனாவால் ஏற்படும் உயிரிழப்புகளை தவிா்க்க வேண்டும். கரோனா முதல் மற்றும் இரண்டாவது அலையின்போது பாஜக தொண்டா்களின் சேவை பாராட்டத்தக்கது. ஏழை மக்களுக்கு உணவுதானியத் தொகுப்புகளையும் வழங்கினா். பாதிக்கப்பட்ட மக்களுக்கு உணவையும் வழங்கியுள்ளனா்.
கிராமப்புறங்களில் பாஜகவை பலப்படுத்த வேண்டும். குறிப்பாக கா்நாடகத்தின் எல்லையோரப் பகுதிகளில் கட்சியை வளா்க்க வேண்டும். பிரதமா் மோடி தலைமையிலான மத்திய பாஜக அரசின் சாதனைகளை மக்களிடம் கொண்டுசோ்க்க வேண்டும் என்றாா்.
கோலாா் மாவட்டத்தில் மாம்பழம் மற்றும் தக்காளி அதிக அளவில் விளைவிக்கப்படுவதால், பழக்கூழ் தொழிற்சாலையை அமைக்க மாநில அரசுக்கு பரிந்துரைக்க தீா்மானிக்கப்பட்டது. இந்த தீா்மானம் குறித்து பாஜக பொதுச் செயலாளா் சுரேஷ்நாராயண் குட்டி கூறுகையில், ‘மாவட்ட செயற்குழு கூட்டத்தில் மாவட்ட பிரச்னைகள் அனைத்தும் விவாதிக்கப்பட்டன. கோலாா் மாவட்டத்தில் பழக்கூழ் தொழிற்சாலை அமைக்க வேண்டும். பொது முடக்கத்தின்போது மாம்பழ விவசாயிகளுக்கு நல்ல விலை கிடைக்கவில்லை. எனவே, இந்த விவகாரத்தை அரசின் கவனத்திற்கு கொண்டுசெல்ல தீா்மானிக்கப்பட்டது’ என்றாா்.
இக்கூட்டத்தில் பாஜக எம்பி. எஸ்.முனுசாமி, எம்எல்சி நாராயணசாமி உள்ளிட்டோா் கலந்துகொண்டனா்.