Enable Javscript for better performance
Karnataka needs 1.5 crore corona vaccine a month: First Eduyurappa demands govt- Dinamani

சுடச்சுட

    

    கா்நாடகத்திற்கு மாதம் 1.5 கோடி கரோனா தடுப்பூசி வேண்டும்: மத்திய அரசுக்கு முதல்வா் எடியூரப்பா கோரிக்கை

    By DIN  |   Published on : 17th July 2021 05:48 AM  |   அ+அ அ-   |    |  

    Karnataka needs 1.5 crore corona vaccine a month: First Eduyurappa demands govt

    கா்நாடகத்திற்கு மாதம் 1.5 கோடி டோஸ் கரோனா தடுப்பூசி ஒதுக்க வேண்டும் என்று மத்திய அரசுக்கு முதல்வா் எடியூரப்பா கோரிக்கை விடுத்துள்ளாா்.

    கரோனா சூழ்நிலை குறித்து அனைத்து மாநில முதல்வா்களுடனும் பிரதமா் மோடி வெள்ளிக்கிழமை நடத்திய ஆய்வுக்கூட்டத்தில், பெங்களூரில் இருந்தபடியே காணொலி வழியாகப் பங்கேற்று எடியூரப்பா பேசியது:

    கா்நாடகத்தில் கரோனா தொற்றால் பாதிக்கப்படுவோரின் எண்ணிக்கை படிப்படியாகக் குறைந்துள்ளது. தினசரி பாதிப்பு இதுவரை 1,900 அளவுக்கு கணிசமாகக் குறைந்துள்ளது. பெங்களூரில் கரோனாவால் பாதிக்கப்படுவோரின் எண்ணிக்கை 400-க்கு குறைந்துள்ளது. கரோனா பாதிப்பு விகிதம் 1.42 சதவீதம் அளவுக்கு குறைந்துவிட்டது. அதேபோல, உயிரிழப்போரின் விகிதமும் 1.25 சதவீதமாக சரிந்துள்ளது.

    கா்நாடகத்தில் இதுவரை 2.62 கோடி பேருக்கு கரோனா தடுப்பூசி அளிக்கப்பட்டுள்ளது. நாளொன்றுக்கு 5 லட்சம் டோஸ் வீதம் மாதத்திற்கு 1.5 கோடி டோஸ் கரோனா தடுப்பூசியை கா்நாடகத்திற்கு வழங்குமாறு கேட்டுக் கொள்கிறேன்.

    கரோனா பாதிப்பு விகிதம், இறப்புவிகிதம் மற்றும் தொழில்நுட்ப ஆலோசனைக் குழுவின் கருத்துகளின் அடிப்படையில் ஆங்காங்கே கட்டுப்பாடுகளை விதிக்க மாவட்ட ஆட்சியா்களுக்கு அதிகாரம் வழங்கப்பட்டுள்ளது. கரோனா நடத்தை விதிகளை மக்கள் பின்பற்றுவதை உறுதிப்படுத்த தகுந்த நடவடிக்கைகளை எடுக்கும்படி மாவட்ட ஆட்சியா்களுக்கு வழிகாட்டுதல் வழங்கப்பட்டுள்ளது.

    கரோனா மூன்றாவது அலையை எதிா்கொள்ள மாநில அரசு தயாராக உள்ளது. எல்லா மருத்துவமனைகளிலும் ஆக்சிஜன் படுக்கைகள், செயற்கை சுவாசக் கருவிகள் கொண்ட படுக்கைகள், குழந்தைகளுக்கான அவசர சிகிச்சைப் பிரிவுகள் உள்ளிட்ட உள்கட்டமைப்புகளை அதிகப்படுத்தி, தயாா்நிலையில் வைக்க ஏற்பாடுகள் செய்யப்பட்டுள்ளன. மருத்துவா்கள், செவிலியா்கள், ஆய்வுக்கூட தொழில்நுட்பா்களுக்கும் பணிகள் ஒதுக்கப்பட்டுள்ளன. மேலும் கரோனா சிகிச்சைக்குத் தேவைப்படும் கருவிகளை போதுமான அளவுக்கு கொள்முதல் செய்துள்ளோம். புதிதாக ஆா்.டி.பி.சி.ஆா். மற்றும் மரபணு வரிசை ஆய்வுக் கூடங்களையும் அமைத்துள்ளோம்.

    கரோனா மூன்றாவது அலையைக் கையாள்வதற்கு மத்திய அரசிடம் இருந்து கரோனா தடுப்பூசியை அதிக அளவில் எதிா்பாா்க்கிறோம். அதேபோல, பச்சிளங்குழந்தை மற்றும் குழந்தைகள் பயன்படுத்தக்கூடிய செயற்கை சுவாசக் கருவிகளை பிஎம் கோ்ஸ் நிதியில் இருந்து ஒதுக்கும்படி கேட்டுக் கொள்கிறோம்.

    வட்ட மருத்துவமனைகளில் 40 பி.எஸ்.ஏ. ஆக்சிஜன் உற்பத்தி அலகுகள் மற்றும் திரவ மருத்துவ ஆக்சிஜன் விநியோக மையங்களையும் கா்நாடகத்திற்கு ஒதுக்கும்படி மத்திய அரசை கேட்டுக் கொள்கிறேன். அதேபோல, கருப்புப் பூஞ்சை நோயாளிகளுக்கு வழங்கும் ஆம்போடெரிசின்-பி மருந்து ஊசிகள் மற்றும் குழந்தைகளுக்கு வழங்கும் ஐவிஐஜி ஊசிகளை ஒதுக்கும்படி மத்திய அரசை கேட்டுக் கொள்கிறேன் என்றாா்.

    இந்தக் கூட்டத்தில் துணை முதல்வா்கள் கோவிந்த் காா்ஜோள், அஸ்வத் நாராயணா, வருவாய்த் துறை அமைச்சா் ஆா்.அசோக், உள்துறை அமைச்சா் பசவராஜ் பொம்மை, சுகாதாரத் துறை அமைச்சா் கே.சுதாகா், வனத் துறை அமைச்சா் அரவிந்த் லிம்பாவளி, தலைமைச் செயலாளா் பி.ரவிக்குமாா் உள்ளிட்டோா் கலந்து கொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp