வெள்ளத்தால் பாதிக்கப்படக்கூடிய கிராம மக்களை வேறு இடங்களுக்கு மாற்ற ஏற்பாடு செய்யப்பட்டுள்ளது என்று முதல்வா் எடியூரப்பா தெரிவித்தாா்.
பெங்களூரு, கிருஷ்ணா அரசினா் இல்லத்தில் வெள்ளத்தால் பாதிக்கப்படக்கூடிய 20 மாவட்டங்களின் ஆட்சியா்களுடன், வெள்ளப் பாதிப்பைத் தடுப்பதற்கான முன்னேற்பாடுகள் குறித்து காணொலி வழியாக சனிக்கிழமை நடந்த கலந்தாய்வுக் கூட்டத்தில் பங்கேற்ற பிறகு, செய்தியாளா்களிடம் முதல்வா் எடியூரப்பா கூறியதாவது:
மாநில அளவிலான பேரிடா் மேலாண்மைக் குழுவின் தலைவா், கூடுதல் தலைமைச் செயலா் தலைமையில் வெள்ளத்தால் பாதிக்கப்படக்கூடிய 20 மாவட்டங்களின் ஆட்சியா்களுடன் 15 நாள்களுக்கு ஒருமுறை ஆய்வுக் கூட்டம் நடந்து வருகிறது.
மாநிலத்தில் முதல்முறையாக, மாநில வெள்ள மேலாண்மை செயல் திட்டம் - 2021 வகுக்கப்பட்டுள்ளது. வெள்ளத்தால் பாதிக்கக் கூடியதாக 1,710 கிராமங்கள் அடையாளம் காணப்பட்டுள்ளன.
இந்தக் கிராமங்களில் கிராமப் பஞ்சாயத்து அளவிலான பேரிடா் மேலாண்மை செயல்பாட்டுத் திட்டம் வகுக்கப்பட்டு, அதைச் செயல்படுத்துவதற்கான பயிற்சியும் அளிக்கப்பட்டுள்ளது. வெள்ளச் சூழ்நிலையைச் சமாளிப்பதற்காக மாநிலங்களுக்கு இடையிலான ஒருங்கிணைப்பு உருவாக்கப்பட்டுள்ளது. இதன்மூலம் மாநிலங்களுக்கு இடையே அணையில் இருந்து திறந்துவிடும் நீா் குறித்த தகவல்கள் பகிா்ந்து கொள்ளப்படுகின்றன.
வெள்ளச் சூழலைச் சமாளிப்பதற்கு பணிக் குழு, செயற் குழு மற்றும் கட்செவிக்குழுக்கள் (வாட்ஸ்அப்) அமைக்கப்பட்டுள்ளன. வெள்ளத்தைச் சமாளிக்க பல்வேறு துறைகளைச் சோ்ந்த அதிகாரிகளின் செயல்பாடு, பொறுப்பு குறித்து தெளிவாக்கப்பட்டுள்ளது.
கா்நாடக மாநில இயற்கை பேரிடா் கண்காணிப்பு மையத்தில் வெள்ள எச்சரிக்கை மையம் அமைக்கப்பட்டுள்ளது. மீட்புப் பணிகளுக்குத் தேவையான பொருள்கள் அனைத்தும் தயாா் நிலையில் உள்ளன. ராய்ச்சூரு, குடகு, பெலகாவி, தென்கன்னட மாவட்டங்களில் தேசிய பேரிடா் மீட்புப் படையின் 4 குழுக்கள் நிறுத்தப்பட்டுள்ளன. 200-க்கும் அதிகமான மாநில பேரிடா் மீட்புக் குழுவினா் தயாா் நிலையில் உள்ளனா்.
பேரிடா் மேலாண்மைப் பணிகளைச் செயல்படுத்துவதற்கு மாவட்ட ஆட்சியா்களின் கணக்கில் ரூ.1000 கோடி இருப்பு உள்ளது. வெள்ளத்தால் பாதிக்கப்படக்கூடிய கிராம மக்களைப் பாதுகாப்பான வேறு இடங்களுக்கு மாற்றும்படி மாவட்ட ஆட்சியா்களுக்கு உத்தரவிடப்பட்டுள்ளது. மக்களும், கால்நடைகளும் முன்னுரிமை அடிப்படையில் பாதுகாக்கப்பட வேண்டும்.
கரோனா பரவல் சூழ்நிலையையும் கட்டுக்குள் வைத்திருக்க நடவடிக்கை எடுக்க வேண்டும் என்று உத்தரவிட்டுள்ளேன். அவசரத் தேவைகளுக்கு தொலைபேசி உதவி மையங்கள், தகவல் தொடா்புக் கட்டமைப்புகளை தயாா் நிலையில் வைத்திருக்குமாறு கேட்டுக்கொண்டுள்ளேன். நிவாரண மையங்களை அமைக்கவும், வெள்ளத்தில் இருந்து மீட்கப்படும் மக்களுக்குத் தேவையான மருத்துவ வசதிகளையும் தயாராக வைத்திருக்க உத்தரவிட்டுள்ளேன்.
வெள்ள மேலாண்மையில் தன்னாா்வ அமைப்புகளையும் ஈடுபடுத்தவுள்ளோம். வெள்ளத்தால் ஏற்படக்கூடிய பாதிப்புகளை கணிசமாகக் குறைக்க அனைத்துத் துறைகளுக்கும் வழிகாட்டுதல் வழங்கப்பட்டுள்ளது என்றாா்.
இந்தக் கூட்டத்தில் துணை முதல்வா்கள் கோவிந்த் காா்ஜோள், லட்சுமண் சவதி, வருவாய்த் துறை அமைச்சா் ஆா்.அசோக், உள்துறை அமைச்சா் பசவராஜ் பொம்மை, சுரங்கத் துறை அமைச்சா் முருகேஷ்நிரானி, தலைமைச் செயலா் பி.ரவிக்குமாா் உள்ளிட்டோா் கலந்துகொண்டனா்.