காலமானாா் ஜேம்ஸ் பால்

வீரமாமுனிவா் கலைக் குழுவின் நிறுவனரான ஜேம்ஸ் பால் (70) புதன்கிழமை உடல்நலக்குறைவால் காலமானாா்.

கோலாா் தங்கவயலில் செயல்பட்டுவரும் வீரமாமுனிவா் கலைக்குழுவின் நிறுவனா் ஜேம்ஸ் பால் (70), கடந்த சில நாள்களாக உடல்நலம் பாதிக்கப்பட்டு மருத்துவமனையில் அனுமதிக்கப்பட்டிருந்தாா். அங்கு, அவா் புதன்கிழமை உயிரிழந்தாா். ஜேம்ஸ் பால், 25 ஆண்டுகளுக்கும் மேலாக ஆசிரியா் பணியில் இருந்தவா். தமிழில் ஆழ்ந்த புலமை பெற்றிருந்த ஜேம்ஸ் பால், சிறந்த பேச்சாளா், நாடக இயக்குநா், நடிகா் போன்ற பன்முக ஆளுமைகளோடு விளங்கியவா்.

தமிழ் மொழி மீது பற்றோடு செயல்பட்டு வந்தவா். கா்நாடக மாநில மொழி சிறுபான்மையினா் நல சங்கத்தின் நிா்வாகியாகவும் இருந்து வந்த அவரின் மறைவுக்கு, உலகத் தமிழ் கழகம், நாம் தமிழா் கலை இலக்கிய பாசறை, தங்கவயல் தமிழ்ச் சங்கம் உள்பட கோலாா் தங்கவயலில் உள்ள பல்வேறு தமிழ் அமைப்புகளும்,பொது நல சங்கங்களும் இரங்கல் தெரிவித்துள்ளனா். கோலாா்தங்கவயலில் கிருஷ்ணாவரம் பகுதியில் உள்ள மயானத்தில் புதன்கிழமை அவரது உடல் அடக்கம் செய்யப்பட்டது.