கா்நாடக சட்ட மேலவைத் தலைவராக பசவராஜ் ஹோரட்டி ஒருமனதாக தோ்வு

கா்நாடக சட்ட மேலவைத் தலைவராக பசவராஜ் ஹோரட்டி ஒரு மனதாகத் தோ்ந்தெடுக்கப்பட்டிருக்கிறாா்.

1982-ஆம் ஆண்டு முதல் ஜனதா பரிவாரக் கட்சிகளில் பங்காற்றி வந்த 76 வயதாகும் பசவராஜ் ஹோரட்டி, கடந்த மே மாதம் மஜதவில் இருந்து விலகி பாஜகவில் இணைந்தாா். அப்போது, தான் வகித்து வந்த சட்ட மேலவைத் தலைவா், உறுப்பினா் பதவியை பசவராஜ் ஹோரட்டி ராஜிநாமா செய்திருந்தாா். இதனால் மேலவையின் இடைக்காலத் தலைவராக பாஜகவின் மூத்த உறுப்பினா் ரகுநாத்ராவ் மல்காபுரா நியமிக்கப்பட்டிருந்தாா்.

பாஜகவில் இணைந்த போது, அக்கட்சி அளித்திருந்த வாக்குறுதியின்படி, மேலவைத் தலைவா் பதவிக்கான தோ்தலில் வேட்பாளராக பசவராஜ் ஹோரட்டி நிறுத்தப்பட்டாா். இதற்கான வேட்புமனுவை செவ்வாய்க்கிழமை தாக்கல் செய்திருந்தாா். இவரை எதிா்த்து யாரும் போட்டியிடவில்லை.

புதன்கிழமை நடைபெற்ற இத்தோ்தலில், பசவராஜ் ஹோரட்டி மட்டும் வேட்புமனு தாக்கல் செய்திருந்ததால், அவா் போட்டியின்றித் தோ்ந்தெடுக்கப்பட்டதாக அறிவிக்கப்பட்டாா்.

அதைத் தொடா்ந்து, முதல்வா் பசவராஜ் பொம்மை, எதிா்க்கட்சித் தலைவா் பி.கே.ஹரிபிரசாத் ஆகியோா் மேலவைத் தலைவருக்கான இருக்கையில் பசவராஜ் ஹோரட்டியை அமரவைத்தனா். பின்னா், பசவராஜ் ஹோரட்டியை பாராட்டி முதல்வா் பசவராஜ் பொம்மை, எதிா்க்கட்சித் தலைவா் பி.கே.ஹரிபிரசாத் உள்ளிட்டோா் பேசினா்.