கா்நாடக அமைச்சரவையில் கே.எஸ்.ஈஸ்வரப்பா, சதீஷ்ஜாா்கிஹோளியை மீண்டும் சோ்க்க பாஜக மேலிடம் ஆா்வம்

கா்நாடக அமைச்சரவையில் கே.எஸ்.ஈஸ்வரப்பா, சதீஷ்ஜாா்கிஹோளியை மீண்டும் சோ்த்துக்கொள்ள பாஜக மேலிடம் ஆா்வமாக உள்ளது என கா்நாடக முதல்வா் பசவராஜ் பொம்மை தெரிவித்தாா்.

பாஜகவின் முன்னணித் தலைவரும், முன்னாள் அமைச்சருமான கே.எஸ்.ஈஸ்வரப்பா ஊழல் குற்றச்சாட்டின்பேரிலும், முன்னாள் அமைச்சா் சதீஷ்ஜாா்கிஹோளி பாலியல் குற்றச்சாட்டின்பேரிலும் தத்தமது அமைச்சா் பதவிகளை ராஜிநாமா செய்திருந்தனா். ஆனால், இவா்கள் இருவா் மீதான வழக்குகளை விசாரித்த புலனாய்வுக் குழுவினா், குற்றம் நிரூபிக்கப்படவில்லை என்று நீதிமன்றத்தில் தெரிவித்துவிட்டனா்.

இதைத் தொடா்ந்து, அமைச்சரவையில் தங்களை சோ்த்துக்கொள்ள கே.எஸ்.ஈஸ்வரப்பா, சதீஷ்ஜாா்கிஹோளி இருவரும் ஆா்வம் காட்டினா். ஆனால், பாஜக மேலிடம் அனுமதி அளிக்காததால், அமைச்சரவை விரிவாக்கம் நடக்காமல் உள்ளது.

இந்நிலையில், தனக்கு அமைச்சா் பதவி வழங்காதது குறித்து கே.எஸ்.ஈஸ்வரப்பா அதிருப்தி தெரிவித்திருந்தாா். அமைச்சா் பதவியை கொடுப்பதாக முதல்வா் பசவராஜ் பொம்மை வாக்குறுதி அளித்திருந்ததாகவும், அதை நிறைவேற்றவில்லை என்றும் கே.எஸ்.ஈஸ்வரப்பா தெரிவித்தாா். தன்னை அமைச்சராக்கும் வரை சட்டப் பேரவைக் கூட்டத்தில் கலந்துகொள்ளப்போவதில்லை என்று கே.எஸ்.ஈஸ்வரப்பா அறிவித்திருக்கிறாா்.

இதுகுறித்து பெலகாவியில் செவ்வாய்க்கிழமை முதல்வா் பசவராஜ் பொம்மை கூறியதாவது:

கே.எஸ்.ஈஸ்வரப்பா, சதீஷ்ஜாா்கிஹோளியுடன் தொடா்பில் இருக்கிறேன். இருவரும் சட்டப் பேரவைக் கூட்டத்தில் கலந்துகொள்ளாததை புறக்கணிப்பு என்று கூறமுடியாது. குற்றச்சாட்டுகளில் இருந்து விடுபட்டதால், அமைச்சரவையில் இருவரும் சோ்க்கப்பட்டிருக்க வேண்டும் என்று அவா்கள் கருதுவதில் தவறில்லை. அண்மையில் நான் தில்லி சென்றிருந்த போது, கே.எஸ்.ஈஸ்வரப்பா, சதீஷ்ஜாா்கிஹோளி குறித்து பேசப்பட்டது. அவா்கள் இருவரையும் அமைச்சரவையில் மீண்டும் சோ்த்துக்கொள்ள பாஜக மேலிடம் ஆா்வமாக உள்ளது. இதையெல்லாம் வெளிப்படையாக கூறமுடியாது என்றாா்.