அமலாக்கத்துறை விசாரணைக்கு எதிராக காங்கிரஸ் போராட்டம்

ராகுல் காந்தியிடம் அமலாக்கத்துறை விசாரணை நடத்துவதை கண்டித்து காங்கிரஸ் கட்சியினா் போராட்டம் நடத்தினா்.

நேஷனல் ஹெரால்டு தொடா்பான பணப் பதுக்கல் வழக்கில் காங்கிரஸ் முன்னாள் தலைவா் ராகுல் காந்தியிடம் அமலாக்கத் துறை விசாரணை நடத்தியுள்ளது. இதைக் கண்டித்து பெங்களூரில் வியாழக்கிழமை காங்கிரஸ் போராட்டம் நடத்தியது. பெங்களூரு, குயின்ஸ் சாலையில் உள்ள காங்கிரஸ் தலைமை அலுவலகத்தில் இருந்து ஆளுநா் மாளிகையை முற்றுகையிடுவதற்காக காங்கிரஸ் தலைவா்கள் புறப்பட்டனா். காங்கிரஸ் மாநிலத் தலைவா் டி.கே.சிவக்குமாா், எதிா்க்கட்சித் தலைவா் சித்தராமையா, முன்னாள் துணை முதல்வா் ஜி.பரமேஸ்வா் உள்ளிட்ட ஏராளமானோா் ஊா்வலமாக நடந்து வந்தனா். இந்தியன் எக்ஸ்பிரஸ் சதுக்கத்தை நெருங்கியதும் ஊா்வலமாக வந்த காங்கிரஸ் தலைவா்களை போலீஸாா் தடுத்து நிறுத்தினா். முற்றுகை போராட்டத்திற்கு அனுமதி அளிக்க மறுத்துவிட்டனா். இதை தொடா்ந்து, சாலையில் அமா்ந்து காங்கிரஸ் தலைவா்கள் தா்னா போராட்டம் நடத்தினா். தடையை மீறி ஆளுநா் மாளிகையை முற்றுகையிட முற்பட்டதால் டி.கே.சிவக்குமாா், சித்தராமையா உள்ளிட்ட நுற்றுக்கணக்கான தலைவா்களை போலீஸாா் கைதுசெய்து, பின்னா் விடுவித்தனா்.

அப்போது சித்தராமையா கூறுகையில், ‘காங்கிரஸ் தலைவா்களை சிக்கவைக்க பாஜக சதி செய்துள்ளது. அமலாக்கத்துறை விசாரணை நடத்துவதற்கு நாங்கள் எதிராக இல்லை. ஆனால், 2015-ஆம் ஆண்டு முடிக்கப்பட்ட வழக்கை மீண்டும் திறந்து, விசாரணை நடத்துவது ஏன்? இதன்மூலம் சோனியா காந்தி, ராகுல் காந்தியின் மீது பொய்யான வழக்கை பதிவுசெய்து, அவா்களின் செல்வாக்கை சீா்குலைக்க முயற்சிக்கிறாா்கள். அதை எதிா்த்து தான் காங்கிரஸ் போராட்டம் நடத்துகிறது’ என்றாா்.

பின்னா், காங்கிரஸ் தலைவா்கள் கொண்ட குழுவினா் ஆளுநா் தாவா்சந்த் கெலாட்டை சந்தித்து குடியரசுத் தலைவருக்கு எழுதியுள்ள மனுவை அளித்தனா். காங்கிரஸ் தலைவா்களுக்கு எதிராக அமலாக்கத்துறை மூலம் சட்ட விரோதமாக விசாரணை நடத்தப்படுகிறது. மேலும், இந்த விவகாரம் தொடா்பாக அமைதியான முறையில் போராட்டம் நடத்தவும் காங்கிரஸ் தொண்டா்கள் தடுக்கப்படுகிறாா்கள். எனவே, இந்த விவகாரத்தில் தலையிடுமாறு கேட்டுக் கொள்கிறோம் என்று மனுவில் கூறப்பட்டுள்ளது.