பெங்களூரில் திங்கள்கிழமை நடந்த நிகழ்ச்சியில் புதிதாக கட்டப்பட்டுள்ள டாக்டா் பி.ஆா்.அம்பேத்கா் வணிகப்பள்ளி வளாகத்தை பிரதமா் மோடி திறந்துவைத்தாா். இதே நிகழ்ச்சியில், கா்நாடகம் முழுவதும் செயல்பட்டுவரும் 150 அரசு தொழில் பயிற்சிமையங்களை புதிதாக மாற்றப்பட்டுள்ள தொழில்நுட்ப மையங்களையும் மோடி திறந்துவைத்தாா்.
இந்தநிகழ்ச்சியில் அவா் பேசியது:
தொழில்நுட்பம், ஆராய்ச்சி மற்றும் புத்தாக்க உலகத்தில் இந்தியா முன்னேற்றம் கண்டுள்ளதற்கு கா்நாடகத்தின் பங்களிப்பு முக்கியத்துவம் வாய்ந்ததாக உள்ளது. இந்தப் பின்னணியில், தொழிற்பயிற்சி மையங்களை புதிதாக தொழில்நுட்ப மையங்களாக அரசு மேம்படுத்தியுள்ளது. இது திறமைகளை மேம்படுத்திக்கொள்வதற்கு பெரும் வாய்ப்பாக இளைஞா்களுக்கு அமையும். இதன்மூலம் ஏராளமான தொழில் வாய்ப்புகள் உருவாகும்.
பெங்களூரில் அமைக்கப்பட்டுள்ள வணிகப்பள்ளிக்கு டாக்டா் பி.ஆா்.அம்பேத்கரின் பெயா் சூட்டப்பட்டுள்ளது. டாக்டா் பி.ஆா்.அம்பேத்கா் வணிகப்பள்ளியின் புதிய வளாகம், பல்வேறு மாணவா்களுக்கு பயனுள்ளதாக இருக்கும். புதிதாக அமைக்கப்பட்டுள்ள தொழில்நுட்ப மையமும் இளைஞா்களின் ஆற்றலை வெளிக்கொண்டு வர உதவியாக இருக்கும் என்றாா்.
டாடா தொழில்நுட்ப நிறுவனத்தின் ரூ.4080 கோடி பங்களிப்புடன் மாநில அரசின் ரூ.680 கோடி செலவில் 150 தொழில்பயிற்சிமையங்கள், தொழில்நுட்ப மையங்களாக மாற்றப்பட்டுள்ளன. இத்திட்டத்திற்கு மாநில அரசு கூடுதலாக ரூ.220 கோடி செலவிட்டுள்ளது.
2017-ஆம் ஆண்டு தொடங்கப்பட்ட வணிகப்பள்ளி, டாக்டா் பி.ஆா்.அம்பேத்கரின் 125-ஆவது பிறந்த தின நூற்றாண்டுவிழாவை முன்னிட்டு மாநில அரசால் தொடங்கப்பட்டதாகும். இது உண்டு உறைவிடப்பள்ளி என்பது குறிப்பிடத்தக்கது.