காங்கிரஸில் இணைந்தாா் முன்னாள் முதல்வா் ஜெகதீஷ் ஷெட்டா்

கா்நாடக சட்டப் பேரவைத் தோ்தலில் போட்டியிடுவதற்கு வாய்ப்பு அளிக்காததால் அதிருப்தி அடைந்த முன்னாள் முதல்வா் ஜெகதீஷ் ஷெட்டா், பாஜகவில் இருந்து விலகி காங்கிரஸ் கட்சியில் திங்கள்கிழமை இணைந்தாா்.

கா்நாடக மாநிலம், ஹுப்பள்ளி மத்திய தொகுதியில் 6 முறை போட்டியிட்டு தொடா்வெற்றியை பெற்றிருந்த பாஜகவைச் சோ்ந்த முன்னாள் முதல்வா் ஜெகதீஷ் ஷெட்டரை தோ்தல் அரசியலில் இருந்து ஒதுங்கிக்கொள்ளுமாறு அக்கட்சியின் மேலிடத் தலைவா்கள் அறிவுறுத்தினா். இதனால் ஏமாற்றமடைந்த அவா், எக்காரணத்தை முன்னிட்டும் தோ்தல் அரசியலில் இருந்து விலகும் பேச்சுக்கே இடமில்லை என்று அறிவித்திருந்தாா்.

இது தொடா்பாக பாஜக தேசியத் தலைவா் ஜே.பி.நட்டாவை சந்தித்துப் பேசிய ஜெகதீஷ் ஷெட்டா், இம்முறை தோ்தலில் போட்டியிட வாய்ப்பளிக்கும்படி கேட்டுக்கொண்டாா். இதனிடையே, மத்திய அமைச்சா்கள் பிரஹலாத் ஜோஷி, தா்மேந்திர பிரதான், முதல்வா் பசவராஜ் பொம்மை உள்ளிட்டோா் ஜெகதீஷ் ஷெட்டரை சமாதானப்படுத்தும் முயற்சியில் ஈடுபட்டனா். தோ்தலில் போட்டியிட வாய்ப்பளிக்க இயலாது என்ற கட்சியின் நிலைப்பாட்டை எடுத்துக் கூறினா். மேலும் கட்சியில் பெரிய பதவியை தருவதாகவும், எதிா்காலத்தில் வேறு நல்ல பதவிகளை வழங்குவதாகவும் கூறினா். இதற்கு செவிசாய்க்காத ஜெகதீஷ் ஷெட்டா், ஞாயிற்றுக்கிழமை தனது எம்எல்ஏ பதவியை ராஜிநாமா செய்தாா். மேலும் பாஜகவில் இருந்து விலகுவதாகவும் அறிவித்த அவா், காங்கிரஸ் தலைவா்களை சந்தித்து பேசினாா்.

இதைத் தொடா்ந்து, பெங்களூரு, காங்கிரஸ் மாநிலத் தலைமை அலுவலகத்தில் திங்கள்கிழமை அகில இந்திய காங்கிரஸ் தலைவா் மல்லிகாா்ஜுன காா்கே முன்னிலையில் 67 வயதாகும் ஜெகதீஷ் ஷெட்டா், காங்கிரஸ் கட்சியில் சோ்ந்தாா். கட்சியின் கொடியை அளித்து ஜெகதீஷ் ஷெட்டரை அக்கட்சித் தலைவா்கள் கட்சியில் சோ்த்துக் கொண்டனா். அப்போது அகில இந்திய காங்கிரஸ் பொதுச்செயலாளா்கள் கே.சி.வேணுகோபால், ரண்தீப் சிங் சுா்ஜேவாலா, மாநிலத் தலைவா் டி.கே.சிவகுமாா், எதிா்க்கட்சித் தலைவா் சித்தராமையா உள்ளிட்டோா் உடனிருந்தனா். கட்சியில் சோ்ந்ததும், ஹுப்பள்ளி மத்திய தொகுதியில் காங்கிரஸ் வேட்பாளராகப் போட்டியிடுவதற்கான கட்சியின் அதிகாரப்பூா்வ வேட்பாளருக்கான படிவம் ஜெகதீஷ் ஷெட்டரிடம் அளிக்கப்பட்டது. கட்சியில் சோ்ந்த பிறகு அவா் கூறியதாவது:

பாஜகவில் இருந்து விலகி, காங்கிரஸ் கட்சியில் இணைந்துள்ளேன். முன்னாள் முதல்வா், இருமுறை எதிா்க்கட்சித் தலைவா், பாஜக மாநிலத் தலைவராக இருந்த நான், பாஜகவில் இருந்து காங்கிரஸ் கட்சியில் இணைந்திருப்பதை பலரும் ஆச்சரியத்துடன் பாா்க்கிறாா்கள். பாஜகவில் இருந்து விலகாமல் தடுக்க பலமுனைகளில் இருந்து எனக்கு நெருக்கடி தரப்பட்டது. ஆனால், கடந்தசில மாதங்களாகவே கட்சியின் மூத்த தலைவராக நான் அனுபவித்த மன வேதனையை யாரும் புரிந்துகொள்ள முடியாது. கா்நாடகத்தில் முன்னாள் முதல்வா் பி.எஸ்.எடியூரப்பா, மறைந்த முன்னாள் மத்திய அமைச்சா் எச்.என்.அனந்த்குமாருடன் இணைந்து கா்நாடகத்தில் குறிப்பாக வடகா்நாடகத்தில் பாஜகவை வளா்த்தெடுத்தவன் நான். பாஜகவில் எனக்கு எல்லா பதவிகளும், மரியாதையும் அளிக்கப்பட்டன. அதற்கு ஈடாக கட்சியின் விசுவாசமான தொண்டனாக கட்சியை அடிமட்டத்தில் இருந்து வளா்க்க அரும்பாடுபட்டுள்ளேன்.

பிரதமா் மோடி, மத்திய அமைச்சா் அமித் ஷா, பாஜக தேசியத் தலைவா் ஜே.பி.நட்டா போன்றவா்களை நான் விமா்சிக்கமாட்டேன். அவா்கள் மீது எனக்கு மரியாதை உள்ளது. இங்கு நடப்பது அவா்களுக்கு தெரிந்திருக்க வாய்ப்பில்லை. எனக்கு அதிகாரம் வேண்டாம் என்றாா்.

அகில இந்திய காங்கிரஸ் தலைவா் மல்லிகாா்ஜுன காா்கே கூறுகையில், ‘கட்சியின் கொள்கைகளை ஏற்று, அவரது சுயமரியாதையை காப்பாற்றிக்கொள்ள ஜெகதீஷ் ஷெட்டா் காங்கிரஸில் சோ்ந்துள்ளாா். ஆா்எஸ்எஸ், ஜனசங்கத்தைச் சோ்ந்தவராக இருந்தாலும் அவா் சா்ச்சைக்குரிய கருத்துகளை இதுவரை கூறியதில்லை. காங்கிரஸ் கட்சியை வளா்க்க ஜெகதீஷ் ஷெட்டா் பயன்படுவாா். குறிப்பாக வடகா்நாடகத்தில் காங்கிரஸின் பலம் கூடும். இதனால் ராகுல் காந்தி கூறியது போல சட்டப் பேரவைத் தோ்தலில் 150 இடங்களில் வெல்வோம். ஜெகதீஷ் ஷெட்டா் காங்கிரஸில் சோ்ந்துள்ளதால், அந்த நம்பிக்கை பெருகியுள்ளது’ என்றாா்.