சித்தராமையாவின் தோ்தல் வெற்றியை ரத்துசெய்யக்கோரி தோ்தல் ஆணையத்திடம் பாஜக புகாா்

முதல்வா் சித்தராமையாவின் தோ்தல் வெற்றியை ரத்து செய்யக்கோரி தோ்தல் ஆணையத்திடம் பாஜக புகாா் அளித்துள்ளது.

வருணா தொகுதியில் காங்கிரஸ் வேட்பாளராக போட்டியிட்டு வெற்றிபெற்றுள்ள முதல்வா் சித்தராமையா, வாக்காளா்களை ஈா்க்க பரிசுப்பொருட்களை கொடுத்துள்ளதாக அவரது மகன் யதீந்திரா கூறியுள்ளதை தொடா்ந்து, சித்தராமையாவின் தோ்தல் வெற்றியை ரத்துசெய்யக்கோரி கா்நாடக தலைமை தோ்தல் அதிகாரியிடம் பாஜக மாநில பொதுச்செயலாளா் என்.ரவிக்குமாா் தலைமையிலான பாஜக குழுவினா் மனு அளித்தனா். அந்த மனுவில்,‘அண்மையில் நடந்த சட்டப்பேரவை தோ்தலில் வருணா தொகுதியில் காங்கிரஸ் வேட்பாளராக போட்டியிட்டு வெற்றிபெற்ற முதல்வா் சித்தராமையா, வாக்காளா்களை ஈா்ப்பதற்காக குக்கா் மற்றும் இஸ்திரிபெட்டிகள் போன்ற பரிசுப்பொருட்களை வழங்கியதாக அவரது மகன் யதீந்திரா, பொதுக்கூட்டத்தில் கூறியிருக்கிறாா். வாக்குகளை பெறுவதற்காக வாக்காளா்களுக்கு பரிசுப்பொருட்களை வழங்குவது மக்கள் பிரதிநிதித்துவசட்டப்படி குற்றமாகும். மேலும், இந்திய தண்டனைச்சட்டப்பிரிவு 171பி கீழ் தண்டனைக்குரிய குற்றமாகும். ஆனால், அரசியலமைப்புச்சட்டம் அளித்துள்ள அதிகாரத்தை பயன்படுத்தி சித்தராமையாவின் தோ்தல் வெற்றியை ரத்துசெய்யுமாறு கேட்டுக்கொள்கிறோம்.‘ என்று கூறப்பட்டுள்ளது.இது குறித்து என்.ரவிக்குமாா் கூறியது: வாக்காளா்களுக்கு பரிசுப்பொருட்களை அளிப்பது சட்டப்படி குற்றமாகும். ஆனால், சலவைத்தொழிலாளா்களான மடிவாளா சமுதாயத்தினருக்கு இஸ்திரிபெட்டிகள், குக்கா்களை பரிசாக அளித்துள்ளதை சித்தராமையாவின் மகன் யதீந்திராவே கூறியிருக்கிறாா். எனவே, தாா்மீக பொறுப்பேற்று சித்தராமையா தனது பதவியை உடனடியாக ராஜிநாமா செய்ய வேண்டும் என்றாா் அவா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...