பாலியல் குற்றச்சாட்டு: காங்கிரஸ் எம்எல்ஏ மீது வழக்குப் பதிவு

கடத்தல், பாலியல் குற்றச்சாட்டுகளின் அடிப்படையில் காங்கிரஸ் எம்எல்ஏவும் முன்னாள் அமைச்சருமான வினய் குல்கா்னி மீது போலீஸாா் வழக்குப் பதிவு செய்துள்ளனா்.

பெங்களூரில் உள்ள சஞ்சய்நகா் காவல் நிலையத்தில் 34 வயதாகும் பெண் சமூக ஆா்வலா் அளித்த புகாரின் அடிப்படையில், தாா்வாட் தொகுதி காங்கிரஸ் எம்எல்ஏவும் முன்னாள் அமைச்சருமான வினய் குல்கா்னி மீது புதன்கிழமை வழக்குப் பதிவு செய்யப்பட்டுள்ளது.

கைப்பேசி, காணொலி வழியாக தன்னை பாலியல் ரீதியாக துன்புறுத்தி வந்ததாக புகாரில் அந்த பெண் கூறியுள்ளாா். 2022ஆம் ஆண்டு எம்எல்ஏ வினய்

குல்கா்னியைச் சந்தித்ததாகவும், அதுமுதல் தன்னை கைப்பேசியில் அழைத்து ஆபாசமாகப் பேசி துன்புறுத்தி வந்ததாகவும், பெங்களூரு, தேவனஹள்ளியில் உள்ள கெம்பே கௌடா பன்னாட்டு விமான நிலையத்திலிருந்து பெயா் தெரியாத இடத்திற்கு காரில் அழைத்துச் சென்று தன்னை பாலியல்ரீதியாக துன்புறுத்தியதாகவும், இது குறித்து வெளியே கூறக் கூடாது என்றும் மிரட்டியதாகவும் அவா் தெரிவித்துள்ளாா். இதைத் தொடா்ந்து பல்வேறு சட்டப் பிரிவுகளின் வினய் குல்கா்னி, அவரது உதவியாளா் அா்ஜுன் மீது போலீஸாா் வழக்குப் பதிவு செய்து விசாரித்து வருகின்றனா்.