ரேணுகாசாமி கொலை வழக்கு: 3 பேருக்கு ஜாமீன்

ரேணுகாசாமி கொலை வழக்கில் கைது செய்யப்பட்டுள்ள 3 பேருக்கு ஜாமீன் வழங்கி நீதிமன்றம் உத்தரவிட்டுள்ளது.

நடிகையும், நடிகா் தா்ஷனின் தோழியுமான பவித்ரா கௌடாவுக்கு ஆபாசப் படங்களை அனுப்பியது தொடா்பாக சித்ரதுா்காவைச் சோ்ந்த ரேணுகாசாமி (33), பெங்களூருக்கு கடத்தி வரப்பட்டு, ராஜராஜேஸ்வரி நகரில் உள்ள கொட்டகையில் அடைக்கப்பட்டு, மின்சாரம் பாய்ச்சி துன்புறுத்தி ஜூன் 8-ஆம் தேதி கொலை செய்யப்பட்டாா். மறுநாள், அவரது உடல் சுமனஹள்ளியில் உள்ள கழிவுநீா் கால்வாயில் கண்டெடுக்கப்பட்டது. அதன்பிறகு, இந்தக் கொலைக்கு காரணமான நடிகா் தா்ஷன், அவரது தோழி பவித்ரா கௌடா உள்ளிட்ட 17 போ் கைதுசெய்யப்பட்டு, நீதிமன்றக் காவலில் வைக்கப்பட்டனா்.

இந்நிலையில், 3,991 பக்கங்களில் 7 தொகுப்புகள் கொண்ட குற்றப் பத்திரிகையை 24-ஆவது கூடுதல் முதன்மை மாநகர மாஜிஸ்திரேட் நீதிமன்றத்தில் செப். 4-ஆம் தேதி போலீஸாா் தாக்கல் செய்தனா். இந்தக் குற்றப் பத்திரிகையில், 231 சாட்சிகளின் வாக்குமூலங்கள் பதிவு செய்யப்பட்டுள்ளன.

இந்நிலையில், நடிகா் தா்ஷன் உள்ளிட்ட 17 பேரும் ஜாமீன் கோரி நீதிமன்றத்தில் மனு தாக்கல் செய்துள்ளனா்.

இந்த வழக்கில் 16-ஆவது குற்றவாளியாக சோ்க்கப்பட்டுள்ள கேசவமூா்த்திக்கு ஜாமீன் வழங்கி கா்நாடக உயா்நீதிமன்ற நீதிபதி விஷ்வஜித் ஷெட்டி திங்கள்கிழமை உத்தரவிட்டாா்.

அதேபோல, இந்த வழக்கில் 15-ஆவது குற்றவாளியாக சோ்க்கப்பட்டுள்ள காா்த்திக், 17-ஆவது குற்றவாளியாக சோ்க்கப்பட்டுள்ள நிகில்நாயக் ஆகிய இருவருக்கும் ஜாமீன் வழங்கி செஷன்ஸ் நீதிமன்றம் திங்கள்கிழமை உத்தரவிட்டுள்ளது. இவா்கள் மூவரும் தும்கூரு சிறையில் அடைக்கப்பட்டுள்ளனா்.

ஜாமீன் கிடைத்துள்ளதைத் தொடா்ந்து, சிறையில் இருந்து 3 பேரும் செவ்வாய்க்கிழமை விடுவிக்கப்படுவாா்கள் என்று கூறப்படுகிறது.