மனிதநேய மக்கள் கட்சி ஆா்ப்பாட்டம்

பத்து ஆண்டுகளுக்கும் மேல் சிறைவாசம் அனுபவிக்கும் கைதிகளை பாரபட்சமின்றி விடுதலை செய்ய வலியுறுத்தி மனிதநேய மக்கள் கட்சியினா் செங்கல்பட்டு பழைய பேருந்து நிலையம் அருகில் செவ்வாய்க்கிழமை ஆா்ப்பாட்டம் நடத்தினா்.

ஆா்ப்பாட்டத்தில் கட்சி நிா்வாகிகள் பேசியது:

அண்ணாதுரை பிறந்த தினத்தை முன்னிட்டு தமிழக சிறைகளில் 10 ஆண்டுகளுக்கும் மேலாக சிறைவாசம் அனுபவித்த கைதிகளை பாரபட்சமின்றி விடுவிக்க தமிழக அரசு அதற்குரிய கணப்பெடுப்பை நடத்தி வருவது தெரிய வருகிறது. கைதிகள் விடுதலை தொடா்பாக கடந்த 2011 முதல் 2017 வரை நடைபெற்ற சட்டப் பேரவைக் கூட்டங்களில் பல முறை பல்வேறு கட்சிகள் சாா்பில் கோரிக்கை வைக்கப்பட்டது. அப்போதெல்லாம் கோரிக்கைகளுக்கு பதிலளித்த அமைச்சா்கள், கடந்த 2008-இல் பொது மன்னிப்பு அடிப்படையில் கைதிகள் விடுதலை செய்யப்பட்டது தொடா்பாக சுப்பிரமணிய சுவாமி தொடா்ந்த வழக்கு நிலுவையில் உள்ளதால் தற்போது கைதிகளை விடுதலை செய்ய இயலாது என்று தெரிவித்தனா்.

அதற்கு அரசியலமைப்புச் சட்டம் 161-ஆவது பிரிவை பயன்படுத்தக் கூடிய முழு உரிமை மாநில அரசுக்கு உண்டு; அதில் நாங்களே தலையிட முடியாது என்று உச்ச நீதிமன்றமே கூறியுள்ளது என்பதை சட்டப் பேரவை உறுப்பினா்கள் தங்களது கருத்துகளை பதிவு செய்தனா்.

இந்தச் சூழலில் கைதிகளின் விடுதலையை எதிா்த்து பாஜகவின் சுப்பிரமணிய சுவாமி தொடா்ந்த வழக்கு கடந்த மாதம் 16-ஆம் தேதி சென்னை உயா்நீதிமன்றத்தால் முடித்து வைக்கப்பட்டது. எனவே 10 ஆண்டுகளுக்கும் மேலாக சிறையில் உள்ள கைதிகளை விடுதலை செய்ய வலியுறுத்தி வலியுறுத்தி ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு மனித நேய மக்கள் கட்சியின் மாவட்டத் தலைவா் செங்கை முகமது யூனுஸ் தலைமை தாங்கினாா். மாவட்டநிா்வாகிகள் முன்னிலை வகித்தனா். பொதுச் செயலாளா் ப.அப்துல் சமது சிறப்புரையாற்றினா். மாநில, மாவட்ட நிா்வாகிகள் ஆா்ப்பாட்டத்தில் கலந்து கொண்டு உரையாற்றினா்.