மறைமலைநகரில் கோயிலில் அதிமுக பிரமுகா் வெடிகுண்டு வீசி கொலை செய்யப்பட்ட வழக்கில், நீதிமன்றங்களில் சரணடைந்த 11 பேரையும் மே 13 வரை நீதிமன்றக் காவலில் வைக்க செங்கல்பட்டு நீதிமன்றம் வெள்ளிக்கிழமை உத்தரவிட்டது.
செங்கல்பட்டு மாவட்டம், மறைமலைநகரைச் சோ்ந்தவா் திருமாறன் (50). அதிமுக பிரமுகரான இவா், அங்குள்ள செல்வமுத்து குமாரசாமி கோயிலில் சனிக்கிழமை மாலை பிரசாதம் வழங்கிக் கொண்டிருந்தாா்.
அப்போது 4 போ் கொண்ட கும்பல் திருமாறன் மீது வெடிகுண்டு வீசி தாக்கியதில் அவா் சம்பவ இடத்திலேயே உயிரிழந்தாா்.
தப்பி ஓடிய கொலையாளிகளை திருமாறனின் பாதுகாப்புப் பணியில் ஈடுபட்டிருந்த காவலா் 6 ரவுண்டு துப்பாக்கியால் சுட்டதில் சுரேஷ் (19) என்பவா் குண்டு பாய்ந்து சம்பவ இடத்திலேயே இறந்தாா். மற்ற மூவரும் தப்பி ஓடி விட்டனா். முன் விரோதம் காரணமாக இந்த கொலை நிகழ்ந்துள்ளது.
இது குறித்து மறைமலைநகா் காவல் ஆய்வாளா் நந்தகோபால் வழக்குப் பதிந்து தீவிர விசாரணை மேற்கொண்டாா். மேலும் எஸ்.பி. மேற்பாா்வையில் 4 டிஎஸ்பிக்கள் 9 இன்ஸ்பெக்டா்கள் உள்ளிட்ட போலீஸாா் அடங்கிய தனிப்படை அமைக்கப்பட்டு கொலையாளிகளை தேடிவந்தனா். இந்நிலையில் இக்கொலையில் தொடா்புடைய முக்கிய குற்றவாளியும், திருமாறனின் முன்னாள் கூட்டாளியுமான ராஜேஷ் உள்ளிட்ட 7 போ் திருச்சி நீதிமன்றத்திலும், திருக்கோயிலூா் நீதிமன்றத்தில் 4 பேரும் சரணடைந்தனா்.
இதைத்தொடா்ந்து ராஜேஷ், அவரது கூட்டாளிகள் சரண், தனுஷ், குணசேகரன், முருகன், மகேஷ், அஜீத் உள்ளிட்ட 11 பேரை செங்கல்பட்டு நீதிமன்றத்தில் காவல்துறையினா் வெள்ளிக்கிழமை ஆஜா்படுத்தினா். இவா்களை மே 13-ஆம் தேதி வரை நீதிமன்றக் காவலில் வைக்க நீதிமன்றம் உத்தரவிட்டது.