செங்கல்பட்டு மாவட்டத்தில் வரும் 26, 27 ஆகிய தேதிகளில் வாக்காளா் பட்டியல் சிறப்புத் திருத்த முகாம் நடைபெற உள்ளதாக மாவட்ட ஆட்சியா் ராகுல் நாத் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு: மாவட்டத்தில் உள்ள 7 தொகுதிகளிலும் ஜனவரி 1-ஆம் தேதியை தகுதி நாளாகக் கொண்டு வாக்காளா் பட்டியல் சிறப்பு சுருக்கமுறை திருத்தப் பணி நடைபெற்று வருகிறது. அதன் தொடா்ச்சியாக வரும் 26, 27-ஆகிய (சனி, ஞாயிறு) இரு நாள்கள் அனைத்து வாக்குச்சாவடி மையங்களிலும் சிறப்புத் திருத்த முகாம் நடைபெறவுள்ளது.
மேலும், தங்களது குடியிருப்புகளுக்கு அருகில் உள்ள பள்ளிகளில் அமைந்துள்ள வாக்குச்சாவடி மையங்களில் வருகின்ற டிசம்பா் 8-ஆம் தேதி வரை அலுவலக வேலை நாள்களில் காலை 10 மணி முதல் மாலை 5 மணி வரை படிவங்கள் அளிக்கலாம். 1.1.2023 அன்று 18 வயது பூா்த்தியாகும் மாணவா்கள் தாங்கள் பயிலும் கல்வி நிறுவனங்களில் படிவம் 6-ஐ அளித்து வாக்காளா் பட்டியலில் பெயா் சோ்க்கலாம் என அதில் தெரிவித்துள்ளாா்.