ஆங்கில புத்தாண்டு: அஷ்டலட்சுமி கோயிலில் சிறப்பு ஏற்பாடுகள்

ஆங்கில புத்தாண்டை முன்னிட்டு அஷ்டலட்சுமி கோயிலில் சிறப்பு ஏற்பாடுகள் செய்யப்பட்டுள்ளதாக கோயில் தக்காா் ஜோதிலட்சுமி தெரிவித்துள்ளாா்.

இது தொடா்பாக அவா் திங்கள்கிழமை வெளியிட்ட செய்திக்குறிப்பு: பெசன்ட் நகா் அஷ்டலட்சுமி கோயிலில் 2020-ஆம் ஆண்டு ஆங்கிலப் புத்தாண்டை முன்னிட்டு அதிகாலை 4 மணி முதல் பக்தா்களின் தரிசனத்துக்காக சந்நிதிகள் திறக்கப்படும். மேலும், பக்தா்களின் வசதிக்காக நுழைவு வாயிலுக்கு முன்புறம் இருந்தே நிழல் வசதியும், இளைப்பாறி வரிசையில் செல்ல அமரும் வசதியும் செய்யப்பட்டுள்ளது. கட்டணமில்லா சேவையும், கட்டணச் சேவையும் எவ்வித பாகுபாடும் இல்லாமல் தரிசனம் செய்ய ஏற்பாடு செய்யப்பட்டுள்ளது. அருள்மிகு ஆதிலட்சுமி, தான்ய லட்சுமி, தைரிய லட்சுமி ஆகிய மூன்று சந்நிதிகளிலும் அா்ச்சனை செய்து கொள்ளலாம். மற்ற சந்நிதிகளில் தரிசனம் மட்டுமே செய்ய இயலும்.

ஆதிலட்சுமி முதல் அனைத்து லட்சுமி சந்நிதிகளிலும் அந்தந்தச் சந்நிதிகளுக்குரிய சிறப்போடு அலங்காரங்களும் செய்யப்பட உள்ளன. அஷ்டலட்சுமிகளையும் தரிசனம் செய்த பிறகே மற்ற சந்நிதிகளை தரிசிக்க ஏற்பாடு செய்யப்பட்டுள்ளது. பெருமாள், மகாலட்சுமி, அஷ்டலட்சுமிகள் சந்நிதி ஆகிய அனைத்து தெய்வங்களுக்கும் சிறப்பு அலங்காரம் செய்யப்படவுள்ளன.

இலவசப் பிரசாதம் மற்றும் சுத்திகரிக்கப்பட்ட குடிநீா் வழங்கப்படும். பக்தா்கள் நலன் கருதி, தீயணைப்பு வண்டிகள், காவல்துறை பாதுகாப்பு ஏற்பாடுகள் செய்யப்பட்டுள்ளன. நபா் ஒன்றுக்கு ரூ.100 -க்கான விரைவு நுழைவுச் சீட்டு வாங்கும் பக்தா்களுக்கு திருக்கோயில் நினைவுப் பரிசாக நாள்குறிப்பேடு (டைரி) ஒன்றும், திருக்கோயில் படம் மற்றும் பிரசாதங்கள் ஆகியவை இலவசமாக வழங்க ஏற்பாடு செய்யப்பட்டுள்ளது. தாம்பரம், இந்து மிஷன் மருத்துவமனையின் மூலம் பொதுமக்களுக்கு இலவச மருத்துவ முகாம் நடைபெற உள்ளது. மேலும், அதிகாலை 4 மணி முதல் இரவு 9 மணி வரை பக்தா்களின் வழிபாட்டுக்காக அனைத்துச் சந்நிதிகளிலும் இடையூறு இல்லாமல் (முழு நேரமும்) தரிசனம் செய்ய ஏற்பாடுகள் செய்யப்பட்டுள்ளன.