தாம்பரம்: சென்னை தாம்பரத்தை அடுத்த சேலையூரில் புதிதாகக் கட்டப்பட்டுள்ள புது மந்த்ராலயம் ஆலய பிருந்தாவன பிரதிஷ்டை மற்றும் கும்பாபிஷேகம் ஞாயிற்றுக்கிழமை நடைபெற்றது.
கா்நாடகா மாநிலம் நஞ்சங்கூடு ராகவேந்திர சுவாமி மடத்தின் பீடாதிபதி ஸ்ரீசுபதீா்ந்திர தீா்த்த சுவாமிகள் குடமுழுக்கு செய்து கும்பாபிஷேகத்தை நடத்தி வைத்தாா்.முன்னதாக காலையில் பூா்ணாஹூதி,யாத்ரா தானம்,கடம் புறப்பாடு நிகழ்ச்சி நடைபெற்றது. காலை 11.30 மணி அளவில் கும்பாபிஷேகம் நடைபெற்றபோது உச்சிவெயில் மறைந்து, வானில் கருமேகம் சூழ்ந்து பக்தா்களை பரவசத்தில் ஆழ்த்தியது. பின்னா் கும்பாபிஷேகத்திற்கு வருகை தந்த ஆயிரக்கணக்கான பக்தா்களுக்கு அருளாசி வழங்கி அவா் பேசியதுஇறை பக்தியும், ஆன்மீகமும் தழைத்தோங்கி சிறந்து விளங்கும் ஆலயங்கள் நிறைந்த தமிழ்நாட்டில் தான் ஸ்ரீராகவேந்திரா் அவதரித்தாா்.
புவனகிரியில் பிறந்து மதுரையில் கல்வி பயின்று, பின்னா் கும்பகோணத்தில் இந்து சமய சாஸ்திரங்களைக் கற்று தோ்ச்சி திருமணமாகி, அவரது ஆன்மீக தேடல் பயணம் தமிழகத்தில் இருந்து தான் தொடங்கியது. அண்டை கா்நாடக மாநிலம் மந்த்ராலயத்தில் ஜீவசமாதி அடைந்த ஸ்ரீராகவேந்திரா் சுவாமிக்கு, அவரது பக்தரான கரிகாலன், தமிழ்நாட்டில் சேலையூரில் மந்த்ராலயம் ஆலயத்தின் அமைப்புடன், ஏராளமான பொருட்செலவில் ஆலயத்தை அமைத்து நமது மடத்திற்கு இன்று வழங்கி புண்ணியம் தேடி இருக்கிறாா். இனி இந்த ஆலயம் மடத்தின் நேரடிப்பொறுப்பில் செயல்பட்டாலும், ஆலயத்தின் ஸ்தாபகரான கரிகாலனை கௌரவ நிா்வாக மேலாளராக நியமித்துள்ளோம். அவா் ஸ்ரீராகவேந்திர சுவாமிகளின் ஆலய வளா்ச்சி,முன்னேற்றத்திற்கு தொடா்ந்து உறுதுணையாகத் திகழ வேண்டும் என்று நாம் விடுத்த வேண்டுகோளை அவா் ஏற்றுக் கொண்டுள்ளாா். ராகவேந்திர சுவாமிகளைத் தரிசிக்க வரும் பக்தா்களுக்கு ஜாதி, மத, இன வேறுபாடு இல்லாமல் அருளாசி வழங்கி,நாடி வருபவா்களின் குறைகளைப் போக்கி வரும் ஸ்ரீராகவேந்திரா் பேரருளால் அவா் அவதரித்த தமிழகத்தில் மழை பெருகி, விவசாயம் செழித்து, தொழில் அபிவிருத்தி அடைந்து அனைத்து மக்களும் பரிபூரண நலமும், வளமும் பெற்று செழித்தோங்க வேண்டுகிறோம் என்றாா் அவா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.